南小館 (已結業)

呢間南小館D侍應既服務態度，實在差到要為佢寫我第一篇食評！今晚約8點半到達，周圍都要等位既情況下，南小館竟然唔使等位。當時全場只有約2/3滿座。一坐低，張枱高低不平，搖得好緊要。見唔滿座就問下帶位員可否換枱，但她只示意另外一位職員用紙攝住枱腳就算了。OK, 都叫解決左個問題...我和媽媽二人點了手抓餅，薺菜雲吞，鍋貼，四小碟拼盤和頭抽菜芯。老實說，食物質素只屬一般。鍋貼皮厚肉少，而且唔熱既四小碟既醉雞無咩酒味，雞肉亦有D鞋...手抓餅同雲吞0係落單後40分鐘先上枱....最後叫多一份小籠包外賣，但竟然無比醋!!同侍應表示想要一個膠袋，其實而家無一個香港人會唔知要比膠袋費架，個侍應超悔氣咁話要袋要一蚊。我地都禮貌地表示知道...點知個袋拎到黎，裡面同外面都係濕既!!!!!我問其中一個侍應可否更換，佢只係遞遞手表示等等，之後當然係一去無回頭啦!!如果當時真係好忙，忙到唔記得，我絕對可以體諒，但可惜佢係行左去圍埋傾計!!都算喇，再問另一個侍應，今次仲衰，佢停左兩秒，拎左個膠袋掉左落地下就走左去...我完全理解唔到點解佢要咁做...最後埋單時叫另一個女仔先肯幫我地換...成餐飯完全無人主動收碟