中華滙館 (已結業)

好朋友升左職，佢話請我食一餐好嘢，間餐廳叫中華滙館，原來佢喺陸羽茶室對面。可能時間尚早，人唔算多，所以有一種寧靜嘅感覺，過左一個鐘到，開始人多，但都唔會覺得嘈吵。之後嘢食就朋友全部決定，話晒佢俾錢嘛首先嚟咗一個小食，叫做醋漬白木耳，好開胃嘅小食 酸酸地，好爽口，食到唔想停。鹿兒島荼美豚叉燒平時啲叉燒，個汁好厚，會黏住咗係個豬肉上邊，而呢個叉燒只係在表面輕輕的有一層，而且豬味好濃郁，雖然好厚身，咬落都易咬開，銀絲焗釀蟹蓋啖啖肉，超多蟹肉，絕不欺場，洋蔥炒得好香口，而且洋蔥同蒜蓉炒過之後，又不會蓋左蟹肉嘅鮮味古法㵍去骨大鱔 鱔好厚肉，又冇骨，入口即溶。乾煸醉雞鍋啲雞好嫩，就算雞胸，一啲都唔鞋，佢個汁好好食，雞味好濃，唔覺得係冰鮮雞，而且全部起晒骨，啖啖肉好細心，特別喜歡佢放咗啲圓肉喺入面，甜甜地，畫龍點睛魚湯煮3鮮年糕 三鮮係蝦，蜆，斑片斑片好新鮮，啲肉唔散，有口感蝦球好彈牙，好新鮮因為呢兩樣太出色，顯得個蜆就冇特別呢餐飯好滿足，價錢唔平，但食物同服務質素都好好，好令人口味嘅一餐！