影片
更多
2017-06-11
124 瀏覽
※本文以用餐當日的環境、服務和食物質素為準，口味亦因人而異，文章只作參考之用。-自從愛上享受美味既刺身後，周圍去食不同的丼飯店也是一種樂趣，不過勝價比高的，又會回頭食的始終不多！前排去左銅鑼灣一間開業不久的日式丼飯店，一出地鐵行兩三分鐘就到，對於身為路痴的小妹，真係超方便。餐廳沒有一個正式中文名稱，所以門口用上日文名稱和英文店名SUPERDON，有前衛的感覺。拉開趟門，餐廳環境以白色為主調，給人很簡潔的感覺。呈長方形的用餐環境，座位不多，左邊係高枱位，沿住狹窄的路直入右邊就係數張二至四人枱，枱與枱之間甚為迫狹，算不上係舒適，特別係出面多人等位時都唔會坐得耐。餐廳有照顧到不食刺身的客人，所以餐牌上有分刺身或熟食丼飯，刺身丼飯較特別的有貝殻類丼飯、馬糞海膽丼飯、吞拿魚三色丼、北海道海鮮丼和自選海鮮丼；熟食的有特選鰻魚丼、黑松露和牛丼、醬燒廣島蠔丼、熊本A5和牛火焰刺身丼等，其實好多款都想試！餐牌除左圖文並茂外，仲會列明每份丼入面材料既份量，例如幾片刺身、幾份海膽，同埋有邊款配菜，很清楚又貼心！吞拿魚三色丼 $238（加$20 轉定食有埋蟹肉沙律同麵豉湯）唔使估都知我又係叫吞拿魚丼，一碗有大
-
自從愛上享受美味既刺身後，周圍去食不同的丼飯店也是一種樂趣，不過勝價比高的，又會回頭食的始終不多！前排去左銅鑼灣一間開業不久的日式丼飯店，一出地鐵行兩三分鐘就到，對於身為路痴的小妹，真係超方便。
餐廳沒有一個正式中文名稱，所以門口用上日文名稱和英文店名SUPERDON，有前衛的感覺。
拉開趟門，餐廳環境以白色為主調，給人很簡潔的感覺。呈長方形的用餐環境，座位不多，左邊係高枱位，沿住狹窄的路直入右邊就係數張二至四人枱，枱與枱之間甚為迫狹，算不上係舒適，特別係出面多人等位時都唔會坐得耐。
餐廳有照顧到不食刺身的客人，所以餐牌上有分刺身或熟食丼飯，刺身丼飯較特別的有貝殻類丼飯、馬糞海膽丼飯、吞拿魚三色丼、北海道海鮮丼和自選海鮮丼；
熟食的有特選鰻魚丼、黑松露和牛丼、醬燒廣島蠔丼、熊本A5和牛火焰刺身丼等，其實好多款都想試！餐牌除左圖文並茂外，仲會列明每份丼入面材料既份量，例如幾片刺身、幾份海膽，同埋有邊款配菜，很清楚又貼心！
吞拿魚三色丼 $238
（加$20 轉定食有埋蟹肉沙律同麵豉湯）
唔使估都知我又係叫吞拿魚丼，一碗有大拖羅、赤身同香蔥吞拿魚腩蓉，如果價錢貴少少，有埋中拖羅就更完美喇。
蟹肉柚子汁沙律
6 瀏覽
0 讚好
0 留言
套餐中的蟹肉柚子汁沙律，食落甚足料，有不少蟹肉和蔬菜在內，配上柚子汁，夏天食很開胃。
成碗粉紅色的吞拿魚丼望到都吸引，望落去甚為豐富；除此之外，配菜有牛蒡、薑片，仲有平時食Omakase先有供應的面豉蒜頭，整體大大加分啊！
吞拿魚三色丼
$238
23 瀏覽
1 讚好
0 留言
先食赤紅色的赤身，顏色望上去唔會暗淡無光，食落質感軟嫩，魚味甚重；
一球粉嫩色的吞拿魚腩蓉，上面加左少許蔥花提味，自行添加少許豉油和芥辣拌勻，食落好惹味，有魚香得來也伴隨點魚脂香。
最正係兩片呈粉紅色兼厚切的的大拖羅，入口軟滑無筋，滿咀充斥著魚油香，幸福就係咁簡單！
整碗丼飯，每款吞拿魚都食到應有既味道，米飯用上珍珠米，粒粒飽滿，配上恰到好處的醋味，令人食慾大增！
和風炸雞丼
$98
14 瀏覽
1 讚好
0 留言
小妹品嚐緊美味既吞拿魚三色丼同時，男人就叫左個和風炸雞丼 $98。
(加多$20 轉定食有埋蟹肉沙律同麵豉湯)
炸雞數量唔少，接近鋪滿成碗丼飯，另外仲跟埋沙律醬同雞汁比你蘸黎食，仲細心配上青檸比你檸汁落炸雞度，更加開胃。
炸雞的外皮咬落不算是很薄那種，不過新鮮炸起，咬落相當香脆可口，幼嫩的雞肉咬落充滿著肉汁，相當不錯！
張貼
