更多
2020-03-20
513 瀏覽
今時今日食自助餐,要食得放心又安心,一定要揀由侍應專人送上,唔使人多聚集,咁會安全好多👍🏻呢間如心南灣酒店嘅Liz Café ,就改為比你坐定定,剔紙仔,之後服務員就會全程為你送上,真係特別爽😬第一Round點左長腳蟹、青口、大蜆等等,好快就送上,會按照人數多少份量,而且擺得好靚,一見到心情特別興奮🥰陸陸續續送上多款刺身,巴馬火腿配生果,好豐富,賣相精美,咁樣食自助餐又真係幾爽喎😬特別係刺身類,新鮮味美,吞拿魚腩、甜蝦都係我至愛,馬上再Order多幾輪先😂熟食種類當然唔少,豬、牛、羊唔少得,特別係長洲特大魚蛋,超大粒,爽口彈牙,必試👍🏻惹味雞翼、炸蠔🦪,仲有燴魚柳,全部都又脆又好味😋魚柳啖啖肉,非常嫩滑👍🏻我特別欣賞凍蝦🦐,冰鎮保持新鮮,漲卜卜,又係爽口彈牙夠鮮味,賣相亦夠晒靚😍每枱送上全條海班,嘩!夠哂驚喜,呢條海斑起碼都值三舊水以上啦,唔知仲以為上咗酒樓添,淨係呢條魚都已經值回票價啦,正👍🏻👍🏻👍🏻多款甜品生果任你挑選,無限量追加,而且呢度仲有優惠,小童及長者只需二百多元,真係平到你唔信,正所謂有佢咁平,冇佢咁正,我個人覺得,就真係食一次賺一次,真心值得推薦大家👍🏻👍🏻👍🏻
張貼