心選 (已結業)

最近迷上Board game，約友人時都搵一間有Board game玩嘅。去到發現其實board game選擇唔多，但係好在可以慢慢坐。當日坐咗成個下午，都只係連我地在內得兩枱客。同board game一樣，食物選擇都唔多。原本諗住食自選意粉，配南瓜忌廉汁，點知話冇。於是就叫左一心唔會伏嘅卡邦尼長通粉。惡夢嘅開始...一上枱我個份卡邦尼嘅蛋黃已經散咗，相比次下，我友人個個仲原好無缺。算，當自己臭手。食落卡邦尼係完全味，落香草分量太少。另外汁亦都少，包唔曬長通粉。煙肉嘅份量少得嚇人，想話有啲煙肉嘅鹹香味都冇。最差嘅卡邦尼！！ 食咗幾啖都唔食喇。只好當自己用90幾蚊飲杯咖啡同坐左幾個鐘，內心好過啲。