影片
更多
2023-12-06
499 瀏覽
-今次同閨蜜一齊食好西，裝修走傳統日式木系風，播放住日本嘅音樂，令我好似去咗日本🇯🇵屋洒屋一樣，食物方面都好多元化，從刺身、熟食、串燒同拉麵都有，亦有比較創新菜色。前菜🥒🥕野菜條伴鯷魚醬第一次食呢個組合，屬於超特別嘅前菜，蔬菜嘅鮮甜中和咗鯷魚醬嘅鹹鮮味，令到整體味道變得平衡。🦐刺身盛合五款 🐟（赤鯛/赤蝦/油甘魚/生吞拿魚/三文魚）全部都好新鮮、大件厚切，特別鍾意；赤鯛 - 屬於高檔嘅刺身食材，味道清鮮甜美，咬到中間肉質綿密黏密。赤蝦 - 大大隻赤蝦，入口鮮甜彈牙。🥢揚物蟹肉蟹膏炸豆腐上面除咗蟹肉蟹膏，仲有蟹籽，豆腐雖然係炸，但係入面嘅豆腐超級滑，滑到好似玉子豆腐咁嘅質地，整體味道都平衡。🍻酒肴泡菜炒牛舌尖我本身勁鍾意食牛舌，呢一隻入口類似四川辣，牛舌煙靭有口感，加埋泡菜超級惹味，呢個餸酒一流，屬於重口味之選。🍢燒物鐵板原隻龍蝦三隻龍蝦蝦蝦 🦞 食到笑哈哈燒得勁香，龍蝦上嘅芝士溶化咗，配合咗少少黑椒，勁香口，中間嗰隻拆晒肉配合蟹籽喺上面，啖啖肉都算新鮮爽口。💮串燒 洋蔥牛小排/ 廣島蠔🦪/ 三文魚籽帆立貝全部都正常發揮，燒得啱啱先 (・∀・)蘋果豚肉卷呢個是我整餐至愛，蘋果好甜爽口，配
今次同閨蜜一齊食好西，裝修走傳統日式木系風，播放住日本嘅音樂，令我好似去咗日本🇯🇵屋洒屋一樣，食物方面都好多元化，從刺身、熟食、串燒同拉麵都有，亦有比較創新菜色。
前菜🥒🥕
野菜條伴鯷魚醬
第一次食呢個組合，屬於超特別嘅前菜，蔬菜嘅鮮甜中和咗鯷魚醬嘅鹹鮮味，令到整體味道變得平衡。
🦐刺身盛合五款 🐟
（赤鯛/赤蝦/油甘魚/生吞拿魚/三文魚）
全部都好新鮮、大件厚切，特別鍾意；
赤鯛 - 屬於高檔嘅刺身食材，味道清鮮甜美，咬到中間肉質綿密黏密。
赤蝦 - 大大隻赤蝦，入口鮮甜彈牙。
刺身盛合五款
$348
8 瀏覽
0 讚好
0 留言
🥢揚物
蟹肉蟹膏炸豆腐
上面除咗蟹肉蟹膏，仲有蟹籽，豆腐雖然係炸，但係入面嘅豆腐超級滑，滑到好似玉子豆腐咁嘅質地，整體味道都平衡。
蟹肉蟹膏豆腐
$98
10 瀏覽
0 讚好
0 留言
🍻酒肴
泡菜炒牛舌尖
我本身勁鍾意食牛舌，呢一隻入口類似四川辣，牛舌煙靭有口感，加埋泡菜超級惹味，呢個餸酒一流，屬於重口味之選。
🍢燒物
鐵板原隻龍蝦
三隻龍蝦蝦蝦 🦞 食到笑哈哈
燒得勁香，龍蝦上嘅芝士溶化咗，配合咗少少黑椒，勁香口，中間嗰隻拆晒肉配合蟹籽喺上面，啖啖肉都算新鮮爽口。
鐵板原隻龍蝦
$788
8 瀏覽
0 讚好
0 留言
💮串燒
洋蔥牛小排/ 廣島蠔🦪/ 三文魚籽帆立貝
全部都正常發揮，燒得啱啱先 (・∀・)
蘋果豚肉卷
呢個是我整餐至愛，蘋果好甜爽口，配合豚肉可以中和油膩，呢個卷可以不停食都唔膩。
🍜食事 🅜🅐🅘🅝 🅓🅘🅢🅗
日本豬骨湯叉燒拉麵
其他食物太出色，顯得呢個拉麵一般般。
甜點 🍭
黑糖紅豆蘋果
呢個甜點好好食，有啲似蘋果批，蘋果夠爽口清甜，再加日式紅豆蓉，再加上黑糖醬放喺批面，呢個配搭好match。
黑糖紅豆蘋果
$28
5 瀏覽
0 讚好
0 留言
推薦指數：⭐️⭐️⭐️⭐️⭐️
整體食物質素都好高，氣氛同服務都好好，食飯最緊要開心，下次會點清酒令用餐體驗更完美～( ♥д♥)
張貼
