牛屋 (已結業)

一提起牛屋，大家可能會想起佐敦嗰間鋸扒食豉油西餐為主嘅餐廳，其實深水埗都有間隱世牛屋，係間非常街坊嘅日式小店。早幾日去幫襯，一入到去，見到電視播緊花姐 ERROR 遊 1，未食先興奮🤪。 叫得牛屋，嚟到當然食牛，揀咗牛屋三式定食，包蜆肉麵豉湯同前菜螺肉。想講下個湯，入面真係有原隻蜆，size 都唔算失禮，唔錯。三式定食飯多餸更多，有送飯一流嘅碎牛肉，用醬油同洋蔥煮、牛味最濃嘅安格斯牛肩胛肉，同埋入口軟腍、一片片薄薄嘅慢煮牛肉，三者雖然都係牛，但各有唔同味道口感，六十零蚊，晚餐嚟講，性價比真心高👍。