影片
更多
2024-05-15
25 瀏覽
話說今日同朋友出去TST行街，行到肚餓話近排好想食韓國嘢（已經愛上吃韓國菜2年了），於是打算到韓國搵食路一間專賣韓國食材舖頭發現，原來入有乾坤，舖頭入面竟然竟然仲有間餐廳，於是抱住險精神入去會一會佢，餐廳佔地空間相當之大，眼望埋去可以同時容納20枱客人左右，座位亦非常寬敞，坐得非常舒服！而且大部份店員都識講韓文及部份普通話，服務態度好好。跟住落嚟講下食物，雖然我哋只有二人用餐，但係食物份量係非常充足，加上前菜2個女生嗌3款菜式已經夠食。1. 韓式芝士煎蛋卷依個私心推介一定要試，而已必須趁熱食！本身蛋卷已經煎得夠好食，蛋裏都有芝士，加上沙律醬及車厘茄，咸咸酸酸相當開胃。一份煎蛋卷有2個前菜碗咁大2. 柚子炸雞韓式炸雞係不得不試，炸雞有分醬汁/ 乾粉類，而我哋叫乾粉類，雞皮係炸啱啱好脆卜卜，肉質適中，一啲都唔「鞋」，啖啖柚子味道，食落都唔覺得好「漏」。
女生的話，個人建議只叫其中一樣，我哋一男一女叫咗2個，男生都飽到嘔。3. 韓式白海鮮湯麵湯底比較濃稠，但海水味道唔重，入面有多款配料，蟹、青口、雪耳等等，麵條不宜放太耐。4. 特選韓牛膝骨飯反而韓牛膝骨湯底味道相當對清淡少少，加入了紅棗、人
跟住落嚟講下食物，雖然我哋只有二人用餐，但係食物份量係非常充足，加上前菜2個女生嗌3款菜式已經夠食。
1. 韓式芝士煎蛋卷
依個私心推介一定要試，而已必須趁熱食！本身蛋卷已經煎得夠好食，蛋裏都有芝士，加上沙律醬及車厘茄，咸咸酸酸相當開胃。一份煎蛋卷有2個前菜碗咁大
2. 柚子炸雞
韓式炸雞係不得不試，炸雞有分醬汁/ 乾粉類，而我哋叫乾粉類，雞皮係炸啱啱好脆卜卜，肉質適中，一啲都唔「鞋」，啖啖柚子味道，食落都唔覺得好「漏」。
女生的話，個人建議只叫其中一樣，我哋一男一女叫咗2個，男生都飽到嘔。
3. 韓式白海鮮湯麵
湯底比較濃稠，但海水味道唔重，入面有多款配料，蟹、青口、雪耳等等，麵條不宜放太耐。
4. 特選韓牛膝骨飯
反而韓牛膝骨湯底味道相當對清淡少少，加入了紅棗、人蔘等等食材，人蔘味道特出，需要連飯一齊吃，感覺好養生呢！
可能朋友同經理好啱傾，仲我請我哋飲埋人蔘酒，成支係我哋面前酖，好大支，飲落酒精唔重，應該係俾人蔘味道蓋過咗，容易入口。仲有韓國益力多送俾我哋飲，係咪知我哋食得太飽需要益生菌，保持腸道建康。 ．同場加映有人生日，店內仲會播放生日歌，由店員向生日之星送上祝褔！
題外話/補充資料：
同場加映有人生日，店內仲會播放生日歌，由店員向生日之星送上祝褔！
(以上食評乃用戶個人意見 , 並不代表OpenRice之觀點。)
張貼
