新麻蒲 BBQ (東港城) (已結業)

好想去韓國，但又冇假期，唯有食住韓燒頂住先~呢間餐廳好隱閉，去到東薈城，上L2，見到Watson’s ，轉右，行到最尾就到！近排裝修，搞到我揾左好耐！入到餐廳，我同媽媽被安排坐4人位，好寬敞！由於太肚餓，就先食下前菜，有昆布，芽菜，泡菜。。。仲有沙律🥗都幾開胃，份量都好夠！主菜-特級霜降牛肉望落紋路清淅分明，油花較多，而且好滑，佢溶雪後，冇血水味，而且幾厚切，吾會太薄，好有口感！果然係師傅精心挑選的A++牛肉！火山芝士泡菜炒飯賣相幾靚！泡菜吾算好重泡菜味，吾夠辣，所以吾夠惹味！不過，好多芝士，十分邪惡⋯⋯炒飯都好夠乾身，一粒一粒，不錯！最有驚喜係爐邊免費送嘅蛋，少少泡菜味，吾會太單調！整體來說，環境幾舒服，都乾淨衛生。