HANA Korean Restaurant

今次我地又去尖沙咀食韓國野啦，尖沙咀既韓國餐廳都係集中呢頭，呢間餐廳唔算大，而且都好多人黎食，黎到入面爆滿之餘外面都仲要等位，所以黎之前最好book定先，用openrice app都已經可以book得，好方便👍🏻呢度只做3類食物，最有特色就係韓國粥，另外就有烏冬，同餃子，咁我就3樣都揀左一款😆人蔘雞粥（$138）韓國既人蔘雞就不嬲出名，而韓國粥我就未食過，今次黎食覺得幾特別，佢唔似香港食既粥咁稀，相對佢係杰好多，直頭見到一粒粒米，但又唔會好硬，口感會似小朋友食既糊仔，呢個粥會加麻油食落啖啖都好香麻油味，人蔘味唔會苦，入口係有回甘味道，呢個韓式粥都唔錯👏🏻泡菜五花腩烏冬（$118）烏冬同餸係分開既，事關佢個湯底係用一款平時定食附送既清湯，有勁多豆卜絲，脆脆粒等配料，個湯係飲湯都唔會口渴，好正，d泡菜五花腩既分量都唔少，放湯食會有番果種泡菜湯口味😋韓牛餃子（煎）（$82/5隻）我自己就鐘意食煎既餃子多過蒸，隻餃子煎得好香，點下汁食仲惹味😆桃味罐裝飲品（$25）飲品仲有各種韓國罐裝野飲，我呢罐桃汁裡面仲有果肉，都幾正🍑呢間餐廳雖然細小，只得3類食物，但依然人山人海，韓國粥就真係好味得黎又特別