影片
更多
2018-10-16
148 瀏覽
朋友問我生日想食咩，身為食肉獸嘅我食完La Vache！之後又好想食牛扒～我哋一行幾個人又唔想等位，加上weekend應該好多人等位，所以不如搵下可以book位嘅地方啦～平時係銅鑼灣行去搭巴士望對面馬路有間嘢叫hugo，隱約記得佢都係食扒～上網確定一下就決定不如試下呢間啦～呢間嘅signature dinner有自助沙律吧+無限添飲龍蝦湯+主菜+甜品+餐飲～價錢介乎$200多-$488不等～視乎你叫邊一款主菜～我哋樣樣都想試，所以點咗三個主菜share!落咗order之後就可以出去沙律吧度夾沙律啦～沙律吧都好多選擇～有唔同嘅菜類同埋沙律通粉～佢所有菜類都非常新鮮～我最鍾意係牛油生菜～非常爽口鮮甜～佢哋嘅沙律醬比較偏甜一點～為食肉之前清一清個腸胃～不錯！之後上麵包～非常有誠意！有唔同種類嘅麵包～仲有蒜蓉包！全部都熱辣辣非常軟熟～食到唔停口之後每人一客干邑龍蝦濃湯～店員話可以無限添飲㗎！我哋以為我哋聽錯！點知真係可以無限添飲！好正呀～干龍蝦湯質地比較杰身～應該係落咗好多龍蝦再打碎而成，飲落去唔係好覺有干邑味～怕酒嘅朋友都唔使驚！因為煮嘅過程之中已經將所有酒精揮發咗～裡面仲食到粒粒龍蝦肉同帶
平時係銅鑼灣行去搭巴士望對面馬路有間嘢叫hugo，隱約記得佢都係食扒～上網確定一下就決定不如試下呢間啦～
呢間嘅signature dinner有自助沙律吧+無限添飲龍蝦湯+主菜+甜品+餐飲～價錢介乎$200多-$488不等～視乎你叫邊一款主菜～
我哋樣樣都想試，所以點咗三個主菜share!
落咗order之後就可以出去沙律吧度夾沙律啦～沙律吧都好多選擇～有唔同嘅菜類同埋沙律通粉～
佢所有菜類都非常新鮮～我最鍾意係牛油生菜～非常爽口鮮甜～佢哋嘅沙律醬比較偏甜一點～為食肉之前清一清個腸胃～不錯！
之後上麵包～
非常有誠意！有唔同種類嘅麵包～仲有蒜蓉包！全部都熱辣辣非常軟熟～食到唔停口
干邑龍蝦濃湯
6 瀏覽
0 讚好
0 留言
之後每人一客干邑龍蝦濃湯～店員話可以無限添飲㗎！我哋以為我哋聽錯！點知真係可以無限添飲！好正呀～干龍蝦湯質地比較杰身～應該係落咗好多龍蝦再打碎而成，飲落去唔係好覺有干邑味～怕酒嘅朋友都唔使驚！因為煮嘅過程之中已經將所有酒精揮發咗～裡面仲食到粒粒龍蝦肉同帶子！我都添加咗一次龍蝦湯！真係太吸引喇～
美國頂級牛腹肉扒
12 瀏覽
0 讚好
0 留言
美國頂級牛腹肉扒 （5成熟）
牛腹肉扒用鐵板上～分成三嚿～上到嚟熱辣辣，有炭燒味非常香！切開有見到每一塊都有肉紋，而且廚師功架十足，裡面啲肉真係啱啱五成熟帶粉紅色～基本上牛腹肉扒牛味非常香濃，唔駛點汁都已經非常惹味～而且牛腹肉扒唔算好肥，至少唔會見到好多脂肪～
值得一提係呢度薯條又係無限添加，最特別係佢係跟黑松露蛋黃醬～！薯條係比較粗身嘅薯條～外脆內軟～good!
澳洲M7和牛雪花肉眼扒
23 瀏覽
0 讚好
0 留言
澳洲M7和牛雪花肉眼扒 （5成熟）
侍應提議我哋和牛扒都最好叫五成熟～因為咁樣先可以食到牛嘅鮮味～ 和牛扒上碟時好大塊！切落去好軟熟～雪花紋路清晰，脂肪分佈平均～入口即溶，加上佢哋係炭燒，陣陣炭燒味令和牛香上加香！
燒大西洋三文魚綠牛油果炒飯
6 瀏覽
0 讚好
0 留言
燒大西洋三文魚綠牛油果炒飯
呢個炒飯非常大碟～牛油果唔算多但係非常多燒三文魚～整體黎講有鑊氣而且味道惹味，加上三文魚熟成度剛剛好，唔會太熟而太un～加埋牛油果十分滑溜～唔想全部食肉可以點一下呢個飯去中和一下
呢一餐非常滿足，我哋飽到甜品和餐飲都食唔落啦...唔好浪費之下我哋要求唔好上～下次再嚟試下其他扒！
張貼
