吉壽日本料理 (已結業)

非常時期，除非對出面發生緊嘅事，可以不問不提！否則無論立場係咩顏色，去到唔同嘅地方食嘢都預咗會有啲心理壓力。平時嘅吉壽，如果冇訂枱都需要等過半小時左右，今日電話訂咗枱，上到嚟見到枱數竟然一對手數得哂！希望呢段日子可盡快得到平熄！講番想講嘅正題先，除咗食品一貫對辦，今次最要真心大力讚嘅係高質員工，佢哋態度比旺嘅日子更優秀盡心；其實平時都好好㗎，但因食客太多，有時真係好難兼顧做到好細心。過往一啲做飲食遇到經濟低迷時，食品質素會變差，員工冇心機等因素，都會是結業嘅原因之一。難得吉壽冇加料放負比客人。希望吉壽撐過這段時間後，响同業中繼續做高質好榜樣！