更多
2017-06-19
132 瀏覽
Home Sweet Home似曾相識? 店名名字跟某電台節目一模一樣, 仲以為系主持人開的, 原來純屬巧合。門前餐牌十分吸引, 特別係價錢, 星期一至星期五供應, steak dinner set $88-148 only, 今晚來個即興。場內氣氛都幾好, 啱曬同朋友傾下計。每台都有不同味道的香薰蠟燭, 散發著陣陣的幽香, 加埋咁嘅氣氛, 等緊朋友嚟開餐的我, 有點昏昏欲睡。餐廳竟然自備爆谷機, 服務員送來的免費小食, 即刻醒神曬, 甜甜地, 好鬆脆。今晚唔可以咁豪了, skip it 六道風味看似很不錯, 有齊前菜、湯、主菜及飲品, 價錢 $138-238, 主菜也很吸引呢, 已揀定我摯愛的.....牛肉。嘩！好靚啊, 估唔到百零蚊嘅set dinner 前菜都有咁既心思及排場, 喜出望外。右 ~ Mozzarella Chesse 番茄配自家製香草醬中 ~ 黑松露野菌忌廉湯左 ~ 日本藍鮨吞拿魚慕士黑芝麻酥皮盒黑松露野菌忌廉湯有啲似分子料理, 泡沫幼滑, 好香菇味, 清香型, 沒有多餘的鹹, like, 最怕乜鬼都鹹屎勒勒蓋晒食物本味。Mozzarella Chesse 番茄
門前餐牌十分吸引, 特別係價錢, 星期一至星期五供應, steak dinner set $88-148 only, 今晚來個即興。
場內氣氛都幾好, 啱曬同朋友傾下計。
每台都有不同味道的香薰蠟燭, 散發著陣陣的幽香, 加埋咁嘅氣氛, 等緊朋友嚟開餐的我, 有點昏昏欲睡。
餐廳竟然自備爆谷機, 服務員送來的免費小食, 即刻醒神曬, 甜甜地, 好鬆脆。
今晚唔可以咁豪了, skip it
六道風味看似很不錯, 有齊前菜、湯、主菜及飲品, 價錢 $138-238, 主菜也很吸引呢, 已揀定我摯愛的.....牛肉。
嘩！好靚啊, 估唔到百零蚊嘅set dinner 前菜都有咁既心思及排場, 喜出望外。
右 ~ Mozzarella Chesse 番茄配自家製香草醬
中 ~ 黑松露野菌忌廉湯
左 ~ 日本藍鮨吞拿魚慕士黑芝麻酥皮盒
黑松露野菌忌廉湯有啲似分子料理, 泡沫幼滑, 好香菇味, 清香型, 沒有多餘的鹹, like, 最怕乜鬼都鹹屎勒勒蓋晒食物本味。
Mozzarella Chesse 番茄配自家製香草醬
芝士味屬於清淡型, 配埋清新番茄及香草醬, 很清新的前菜。
日本藍鮨吞拿魚慕士黑芝麻酥皮盒
吞拿魚以沙律醬撈勻再加少許黑芝麻, 酸酸甜甜又香口。
酥皮底極度鬆化
味蕾 - 檸檬雪芭
清清味蕾再食主菜, 檸檬雪芭酸勁十足, 口感有點似沙冰, 冰涼爽快！
主菜 ~ 威靈頓牛肉 ($238/set dinner)
今晚餐牌原本係慢煮安格斯牛扒, 服務員話今日主廚心情靚靚, 可以免費upgrade 威靈頓牛肉比我, 問我有冇興趣, of course, 威靈頓牛肉要煮得好食, 好鬼煩兼花心思兼有啲難度, 所以唔系間間餐廳嘅廚師肯做, 今晚真有口福, 至於你地有無口福就要睇你地既造化了。
真系睇見都流口水, 金黃的酥皮包黑松露、煙肉粒及磨菇粒, 然後內心心處才是肉汁豐富的牛肉。
肢解後的威靈頓牛肉, 酥皮包住牛肉焗, 能保持牛肉嫩而多汁, 最堅嘅系容易出水嘅蘑菇及出汁嘅牛肉......在酥皮內出奇地乾爽, 完全沒有影響酥皮的鬆化, 神乎其技, 呢度嘅廚師廚藝都幾堅。
牛肉外層焗得焦香, 肉色嬾紅, 肉汁豐富, 配埋香口既黑松露及煙肉粒, 鹹香惹味, 蘑菇粒爽口, 二百零蚊食到呢個主菜, 今晚真系抵到爛！
朋友的主菜什菌意大利飯也很不錯, 什菌清香特出。
玫瑰奶茶
有時亂衝亂撞都幾好, 今晚非常suprise, 呢度竟然還有玫瑰奶茶, 人生的第一杯玫瑰奶茶……港式奶茶結合玫瑰花的新鮮配搭, 茶味濃, 玫瑰味更濃, 玫瑰花應該係同茶葉一齊煲先會咁出味, 好飲, 好飲嘅代價系......成晚都好鬼精神, 瞓得唔好, 咁特別, 唔訓一晚都值嘅。
估唔到太子橫街一間小小的平民化餐廳, 竟然有咁出色嘅出品, 今晚好驚喜, 一定再嚟食其它set dinner。
張貼
