影片
更多
2024-01-27
1806 瀏覽
《潮藝館 - 尖沙咀》去完日本之後，飲飽食醉食咗好多餐日本嘢，係時候食返啲中餐中和一下😉今次同 @kchelseapy 孖公仔去咗位於iSquare入面嘅一間潮州菜館食晚餐，裝修豪華而且幾有格調，坐得都算幾舒服，十分適合一大班人聚餐💁🏻♀️普寧豆腐頭盆首先就當然係食啲香口嘢啦，我哋叫咗普寧豆腐同埋一個湯暖暖個胃先，普寧豆腐外脆內嫩，點埋特色嘅潮州醋汁好開胃，嫩滑嘅豆腐外面有層煙煙韌韌而又脆卜卜嘅粉漿，入面熱辣辣都幾好食💁🏻♀️胡椒豬肚雞我哋兩個每人叫咗一個胡椒豬肚湯，份量唔係好大，不過入面有酸菜同埋有幾片豬肚，胡椒味香濃，飲落唔會有豬肉嘅臊味，同埋好貼心嘅係餐廳會用蠟燭熱住個湯，飲到最尾個湯都仲係熱辣辣，呢幾日天氣咁凍，☺️飲完之後成身暖笠笠💁🏻♀️滷水鵝件食潮州嘢，又點可以冇滷水鵝呢😉？我個人最鍾意其實係用嚟墊鵝片底嘅滷水豆腐，嗦曬鵝肉汁鵝油嘅豆腐特別好食💪🏻滷水鵝片切得大細均勻，一啖一件肉質口感軟嫩，一份兩個人食就似乎多咗少少🤣順帶一提，佢個滷水汁送飯其實一流💪🏻我覺得可以叫個白飯撈埋啲鵝汁💁🏻♀️川椒雞呢一個川椒雞其實唔辣的，佢係食落有少少麻麻地既感覺，食得出有滕椒嘅味道👅我個人就
去完日本之後，飲飽食醉食咗好多餐日本嘢，係時候食返啲中餐中和一下😉今次同 @kchelseapy 孖公仔去咗位於iSquare入面嘅一間潮州菜館食晚餐，裝修豪華而且幾有格調，坐得都算幾舒服，十分適合一大班人聚餐
💁🏻♀️普寧豆腐
頭盆首先就當然係食啲香口嘢啦，我哋叫咗普寧豆腐同埋一個湯暖暖個胃先，普寧豆腐外脆內嫩，點埋特色嘅潮州醋汁好開胃，嫩滑嘅豆腐外面有層煙煙韌韌而又脆卜卜嘅粉漿，入面熱辣辣都幾好食
💁🏻♀️胡椒豬肚雞
我哋兩個每人叫咗一個胡椒豬肚湯，份量唔係好大，不過入面有酸菜同埋有幾片豬肚，胡椒味香濃，飲落唔會有豬肉嘅臊味，同埋好貼心嘅係餐廳會用蠟燭熱住個湯，飲到最尾個湯都仲係熱辣辣，呢幾日天氣咁凍，☺️飲完之後成身暖笠笠
💁🏻♀️滷水鵝件
食潮州嘢，又點可以冇滷水鵝呢😉？我個人最鍾意其實係用嚟墊鵝片底嘅滷水豆腐，嗦曬鵝肉汁鵝油嘅豆腐特別好食💪🏻滷水鵝片切得大細均勻，一啖一件肉質口感軟嫩，一份兩個人食就似乎多咗少少🤣順帶一提，佢個滷水汁送飯其實一流💪🏻我覺得可以叫個白飯撈埋啲鵝汁💁🏻♀️川椒雞
呢一個川椒雞其實唔辣的，佢係食落有少少麻麻地既感覺，食得出有滕椒嘅味道👅我個人就幾鍾意呢個感覺，個雞肉應該係用咗雞腿肉，食落唔嚡口同埋好掛醬汁👍🏻又係送飯一流嘅菜式💁🏻♀️川味花膠麻婆豆腐
一坐低嘅第一刻我已經話想食麻婆豆腐，佢呢度嘅麻婆豆腐加上花膠製作，成碟入邊有好多件☺️膠原滿滿的，個豆腐同樣唔辣，反而有少少甜口同麻味，今次真係要叫返個白飯先得喇🤣呢度餸可以食到兩碗飯
💁🏻♀️蜆肉鵝肝炒飯
原本一坐低好肚餓嘅關係，我哋咩都叫咗嚟試😂見到呢個蜆肉鵝肝炒飯係餐廳推介的，而且我又好鍾意食鵝肝，所以都叫咗一客炒飯💁🏻♀️餐廳將鵝肝切粒，配埋蜆肉同埋蔬菜粒一齊炒飯，個飯炒得乾身，飯粒粒粒分明，食到好香鵝油嘅味道👍🏻
💁🏻♀️燕麥一口薯
食完正餐，又點可以唔試吓餐廳嘅甜品呢？我哋叫咗個燕麥一口薯，出面用咗燕麥同埋好立克粉包住紫薯，個紫薯嘅外面有一層脆脆嘅糖衣，同個燕麥粉好夾，個紫薯唔算太甜，口感十分軟糯，作為呢一餐嘅ending 十分完美
張貼
