拉麵台風

營業中

休息中

其實一直都想食呢間拉麵，但總是有長長的人龍，今晚早了點到，7點時未有人排隊，但仍然有幾個客人剛好到，所以大家都等了一陣。但我地食完出黎8點幾就有長長人龍。我點了夏季限定的黑色暴雨拉麵，菜名夠特別，但原來調味也有特色，有黑蒜油、黑芝麻、黑辣椒，集色、香、味於黑色誘惑中。朋友揀了溫和口味的伊台風。其實呢度除了拉麵，仲有撈麵同沾麵，而沾麵更是數量限定，要食就要早點來啦。有埋食法提供，令人食到口味變化的提示。天氣太熱，加上拉麵熱度同火辣，忍唔住要飲凍飲，好爽好解暑。黑色暴雨拉麵 $85，有叉燒、味玉、竹筍、蔥白、魚介粉、紫菜等，好豐富好滿足。原來麵量有選擇，普通份量也超多，比平常的份量，這裡是1.5倍，所以細食既朋友點細d就不怕浪費。叉燒好大塊，有半碗面咁大，而且有兩塊，可以鋪晒成碗面。肉味濃而不膩，煮得軟綿易咬，入口快要化開，而且不太肥。味玉只有半隻，蛋黃半熟好軟滑，也夠入味。我幾喜歡中間的芽菜，經調味有麻油香又惹味。麵質較粗身，有咬感較煙韌，也掛到好多湯汁。湯底濃稠厚身，味道十分重，有黑蒜油的香，又有黑芝麻的香，更有黑辣椒的刺激，辣味慢慢出來，越食越刺激，但又停唔到口，食完有種好爽的感覺。