影片
更多
2022-11-11
251 瀏覽
<阿元來了> 📍堅尼地城喺呢間餐廳你會發現各式各樣嘅食客 — 上班族、一家大細、大學生、老人家。其實佢作為一間米芝蓮推薦餐廳，大可以加價，賺多啲利潤。但餐廳堅持用一個黎民百姓完全負擔得起嘅價錢，提供有質素嘅食物，帶比各式各樣嘅人溫飽。一間餐廳，有呢個心 ❤️，已經好值得大家多多支持。每一次幫襯阿元會叫一碗小魯飯做膽配搭唔同嘅小食。魯肉飯（小碗）($33) — 你無睇錯！香港地仲有33蚊嘅飯 😭 真係窮人恩物。除左價錢相宜之外，食物嘅質素都穩定地高！阿元嘅魯肉汁完完全全係白飯小偷，豬腩肉肥嘟嘟晶瑩剔透，伴隨住滷肉汁拌勻白飯送入口，完全摒棄左卡路里嘅規限，一啖接一啖，完全停唔到口 🤤 食到膩膩地嘅話，試下Dap下塊酸蘿蔔，然後你不自覺地繼續爬飯mode ON。 😮💨💨💨炸花枝丸($35) — 中規中矩冇咩特別，趁熱食幾好食，係好食嘅花枝丸嚟嘅。不過下次都係叫返鹽酥雞 🤭而家街邊好多台式飲料店，成條街都波霸、奶蓋、愛玉、四季春，賣成$4-50一杯 🧐 而阿元提供嘅飲料係舊式糖漿果茶，別有一番風味，加埋餐廳嘅環境，感覺真係去咗台灣夜市一般，好有靈感想唱番首「我愛台妹，台妹愛我🎶
喺呢間餐廳你會發現各式各樣嘅食客 — 上班族、一家大細、大學生、老人家。其實佢作為一間米芝蓮推薦餐廳，大可以加價，賺多啲利潤。但餐廳堅持用一個黎民百姓完全負擔得起嘅價錢，提供有質素嘅食物，帶比各式各樣嘅人溫飽。一間餐廳，有呢個心 ❤️，已經好值得大家多多支持。
每一次幫襯阿元會叫一碗小魯飯做膽配搭唔同嘅小食。
魯肉飯（小碗）($33) — 你無睇錯！香港地仲有33蚊嘅飯 😭 真係窮人恩物。除左價錢相宜之外，食物嘅質素都穩定地高！阿元嘅魯肉汁完完全全係白飯小偷，豬腩肉肥嘟嘟晶瑩剔透，伴隨住滷肉汁拌勻白飯送入口，完全摒棄左卡路里嘅規限，一啖接一啖，完全停唔到口 🤤 食到膩膩地嘅話，試下Dap下塊酸蘿蔔，然後你不自覺地繼續爬飯mode ON。 😮💨💨💨
炸花枝丸($35) — 中規中矩冇咩特別，趁熱食幾好食，係好食嘅花枝丸嚟嘅。不過下次都係叫返鹽酥雞 🤭
而家街邊好多台式飲料店，成條街都波霸、奶蓋、愛玉、四季春，賣成$4-50一杯 🧐 而阿元提供嘅飲料係舊式糖漿果茶，別有一番風味，加埋餐廳嘅環境，感覺真係去咗台灣夜市一般，好有靈感想唱番首「我愛台妹，台妹愛我🎶🎶🎶」🤣 $22 白桃紅茶仲有得加椰果，超鍾意椰果！加分！加分！（個人喜好）
餐廳嘅食嘢環境係比較逼夾嘅，好似喺夜市搵位坐咁款，一張枱𠝹四個單人位。不過餐廳好貼心隔板上會痴滿廣告/告示，避免左獨毒（本人）一丁友去食同對面食客你眼望我眼，面阻阻嘅情況出現。👀
張貼
