The Pizza Project

營業中

休息中

期間限定嘅開心果pizza話說超級為食嘅閨蜜同我講，佢平時食開嘅呢一個集團嘅餐廳，佢出咗期間限定嘅開心果pizza，只係做到今個月17號姐！小妹非常之喜歡食開心果，因為細細個新年嘅時候，全盒一有開心果，自此成為一個一見就會笑嘅美食。我哋八點先去到，餐廳已經訂咗滿晒，所以要留名等多大概40分鐘先入座到。我的嗌咗一鹹一甜嘅開心果Pizza。Pistachio Pizza $160主菜係咸嘅開心果pizza，芝士煙肉同埋意大利嘅莎樂美腸打成嘅肉醬，搭配粒粒開心果，食出不一樣嘅滋味。在場仲可以免費添加開心果醬！滿足一種開心果迷！Cremino $120甜味嘅開心果pizza，上面有榛子朱古力、白朱古力、仲有仲有就係流心嘅開心果醬，今次食落嘅感覺有啲唔同。Pizza嘅皮係比較硬身啲嘅，同埋厚重少少。上面嘅朱古力好似Kinder出奇蛋嘅味道，開心果醬就好幼滑。呢度都幾方便傾偈，環境比較暗啲，適合同朋友一路品嚐美食一路傾偈，鍾意佢個蠟燭，昏暗感覺好放鬆同埋舒適。