FLIPPER'S (已結業)

每次經過都見到長長既人龍，所以開左一排，一直都未有時間試。係一個早起左既星期六，就決定去搏一搏，希望排隊既人少d。店舖位於hysan既一間服裝店入面，我中午12點前去到，人龍唔算長，大約前面有7、8個人，等了大約25分鐘。舖頭形式係自助點餐，大家要出去排隊點餐比錢，拎個號碼，之後店員就會送食物比你。我地2個人就叫左2個pancake 1甜1咸 (kiseki pancake 士多啤梨藍莓香蕉班戟 + salmon & avocado pancake 三文魚牛油果班戟) 同2杯飲品(茉香珍珠奶茶 + 普通珍珠奶茶）食物上菜速度都算快，味道方面三文魚加牛油果配上熱辣辣既pancake，好match，三文魚都新鮮，幾好味，份量都好足夠。而甜點，士多啤梨藍莓香蕉配上鬆軟既pancake都好好味，不過相對起泥，我就覺得比較普通，似一般既普通甜品。總括泥講，我覺得咸點比甜點好食，未食過又鐘意食pancake既你，都值得潮聖一次。