上次同朋友經過，見到外面裝修幾靚，就隨便講起話下次食呢間。 今日就真係去左食，我地有預早book位，星期日夜晚人流都ok，但都冇full。 入正題講食物，我地3個女仔叫左3個小食加1個2人份既西班牙海鮮飯，再加3杯飲品。 #1-西班牙青豆煮蜆 $168 賣相1般，但食落都幾鮮甜，同份量非常足夠，好似食極都仲有咁，鍾意食蜆既朋友值得1試。 #2-青檸蜂蜜單骨雞翼 $88 本身自己都好鍾意食雞翼，但係街食就有d麻煩，但單骨雞翼就方便得多，女仔都可以斯斯文文咁食。味道方便，青檸味我就唔係好食得出，但蜂蜜味就好夠，雞翼本身咸，再加上蜂蜜甜甜地咁，好好味。 #3-芝士煎蟹餅 $168 呢道係我最期待食既菜，首先我係1個蛋控加蟹控，2樣我好鍾意既食物放埋1齊煮，真係非食不可。另外，呢道菜係最多人推介既菜，所以就令我更加期待。賣相好靚同好香，1放上枱，我地都忍唔住，即刻試，果然好味，有好香既蛋味，食完都好滿足，值得試！ #4-西班牙海鮮飯 (2人份) $298 呢個飯係有分2人份同4人份揀，我地3個人就揀左2人份，份量都合理，係比正常既飯大d，海鮮都算多，好夠食。但個人認為味道就1般般，冇乜特別，整體海鮮比飯出色。 #5-仲夏水果茶 $42 我就冇飲到，聽朋友講就話正正常常，冇乜特別，都係用twinings茶包加d切粒水果，係普通水果茶味，但價錢合理，份量都算大壺，鍾意既朋友都可以試下。 #6-La Postre cocktail $88 老實講，叫呢杯cocktail原因係因為佢個名同舖頭同名，感覺係signature drink特別d。而店員1放低杯野飲，就感覺伏，因為佢既顏色令我同好飲2隻字連繫唔到。點知，其實都唔太差，佢係有d加左酒既乳酸同益力多味，愈飲愈好味，最後都飲哂，都幾特別，可以1試。 整體泥講，我對呢間舖頭印象都唔錯，首先，環境好，枱與枱唔太迫，都叫有自己空間。另外，店員態度非常友善同細心，會同你推介食物，又會比碟你放骨同定期幫你換碟，值得1讚。仲有，我見到隔離枱慶祝生日，店員會幫你影張即影即有，再送上1張生日卡，非常窩心

放工同男朋友都係附近就決定去試下超蓮牛肉麵。 1入門口，感覺幾光猛同乾淨企理，平日夜晚8點幾，唔洗等位，大約坐滿1半。牆上裝飾係簡約風，有d畫同明星相，主要係超蓮d好朋友，例如，gem、柏豪、方力申、阿嬌、張敬軒、kenny、jw、少爺占等等，鍾意佢地既都可以泥支持下，因為你會係舖頭不停聽到佢地既歌同超蓮偶像周杰倫既歌。 講番食物，我地叫左2個麵、1個店舖職員推薦既小食同1杯野飲。 首先，我唔食得辣，所以就叫左紅燒半筋半肉拉麵($88)，佢個menu都寫住有1粒🌶️，但真係輕微到我咁唔食得辣既人先會feel到。湯底幾夠味，牛肉都算嫩，好易咬，但都就覺得牛筋更好味，好滑。拉麵既質感，就正正常常，冇乜特別。 男朋友就叫左麻辣半筋半肉冬粉($88)，唔知冬粉係咩，所以好奇試下，個樣似紅薯粉，但食落質感就好似韓左粉絲，好易咬，湯底就叫左小麻辣，唔算太辣，幾好味。男朋友就同我相反，佢覺我牛肉好味過牛筋。 另外我地食左個店員勁力推介既小食豆魚($32)，係用炸腐皮包住芽菜，再淋上麻醬，本來以為普普通通，但驚喜位係凍食，又幾好味wo 最後叫左杯冬瓜珍珠奶茶($30)，明正言順係台式冬瓜茶加奶加珍珠，特別在佢係用不銹鋼飲管，非常環保，但相對珍珠就比較難吸，而且感覺比較細杯，好快飲完。 整體都算唔錯，係好食既，但價錢平番dd會更合理。

上星期六，難得1行9人去食buffet，屋企人就揀左係將軍澳popcorn隔離酒店既尚廚。我有個慣性，去食1間未食過既餐廳，都會睇下openrice食評，見到佢喊喊評價都幾多，所以對佢都冇乜expectation..點知竟然令我喜出望外，所以我要為佢平反。 首先環境方面，我覺得幾闊落，坐得幾舒服。 食物種類亦不算少，熟食都基本有湯、即煮粉麵、海南雞飯(屋企人話內藏鮑魚)、蟹、不同肉類(唯獨冇羊，少少失望)、菜、炸物等等。不過我就冇乜點食，1泥味道普通，2泥其他食物比較吸引。 沙律係我食buffet必食，因為可以自行配搭，自己揀想食既菜、配料同醬。而呢到既沙律配搭非常多，我好滿意。 海鮮就係食buffet回本既主菜，呢到種類唔算好多，但對我呢講都足夠，有蝦、青口、長腳蟹、龍蝦、螺、蜆，呢d全部都係自己拎。另外有生蠔，係即叫即開，每次排隊每人限攞3隻，佢會幫你洗埋，個人認為都算新鮮同幾鮮甜，因為自己本身係香港唔食生蠔，但果日都食左3、4隻，不錯！海鮮平均都幾好味，我最欣賞係龍蝦，好甜好甜，好好味，encore左3次 壽司同刺身我就覺得1般，種類都係基本款，加上我長期被隔離既海鮮bar吸引左，所以淨係食左幾片三文魚刺身。 甜品係1餐buffet既重點，尤其女仔。呢間buffet甜品既種類唔算好多，款式亦唔係特別靚特別精美，但味道真係算幾好食，屬於實力派甜品。其中有個朱古力蛋糕真係好好味，我食左2件，其他款式都不過不失。雪糕就係Haagen-Dazs 有5種味道。 整體泥講，我覺得星期六夜晚$538+1/位，食到咁既野係合理既，唯一我覺得熟食方面麻麻，其他都大致唔錯。

上年豬女同朋友去完澳洲旅行，1直都對食過既西瓜蛋糕念念不忘。今日朋友生日，咁岩行過the one見到，就決定買番個泥回味下。 首先講下蛋糕既外表，佢最底層係1個杏仁餅底，中間夾雜住西瓜同忌廉，最上層就係1層士多啤梨配上可食用既玫瑰乾花，層次分明，又紅又粉紅，顏色非常靚，超級吸晴，絕對igable 味道方面，如果有食過澳洲西瓜蛋糕既你，又好掛住呢個味道，我建議你1定要去試下，因為味道幾乎1模1樣，令我好似番左去澳洲旅行咁。 第1啖咬落去，有一陣淡淡既玫瑰花香味加上甜甜既士多啤梨，非常清新。而西瓜就非常之清甜爽口，同忌廉好夾。餅底既杏仁味就唔算好濃，但本身豬女同朋友仔都唔係好好杏仁，所以就覺得岩岩好。 總括泥講，豬女就好鐘意呢個蛋糕，1泥覺得味道夠特別，比較少見，2泥覺得味道唔太甜又夾得好好。超級推介 溫馨提示，the one舖頭淨係收cash同支付寶，係唔收卡架。下次去要就得帶夠cash ah!!

同我d兄弟食完飯，見仲有時間(10:00pm)，就行左去Times Square買野飲。醒起呢頭開左新既黑糖珍珠就過黎試試，排左大概10分鐘到就可以order，等杯野等左5分鐘多d。 呢到既黑糖系列係有得選擇甜度，我地都叫左少糖，但係個日唔知係咪間舖唔夠冰用，只可以叫微冰。有飲過黑糖鮮奶既大家都應該知道底部既黑糖漿係熱既，所以微冰令到杯野唔夠凍，未搞混已經冇哂冰。 至於味道方面，都屬於幾好唔會太甜(少糖)，珍珠淋淋地唔算有咬口個隻。如果多返d冰，相信會好飲d既。

今晚係太古行行下街突然好想食新加坡野，所以就隨心咁行左去太古坊個邊既”隨心”食飯。 行到入店內就見到有幾幅新加坡merlion同馬拉既畫係牆上，幾靚幾得意 睇到個menu, 諗起去新加坡旅行時係hawker centres既美食，就心思思有好多野都想食 諗左一陣，最後叫左個 海南雞喇沙 同 新加坡炒貴刁。 喇沙個麵同雞係分開上，麵有米粉同米線，上面既米粉吸哂d湯可以令你啖啖都食到湯既椰香，個人就覺得唔錯。海南雞肉同皮分明，味道不過不失。 佢地既炒貴刁係menu上好似話係跟新加坡炒粿條做法，味道都似既，幾好食，但係就用左河粉，同係新加坡食既唔同。 成餐飯，個人都覺得幾好，算係味道算係中上既新加坡餐廳，價錢正正常常。可以一試

難得唔洗OT,收工就約埋女友去品香樓食飯。到既時候係七點左右，岩岩好唔洗等位，仲有卡位坐 黎到就梗係要飲佢招牌既凍朱古力啦，但係我呢排肥左，所以我就冇叫喇。 我最鍾意食呢到既風沙雞同椒鹽九肚魚，但係今次想試下其他菜式，最後就叫左黃金蝦，南乳雞翼 同埋 芝士肉碎西蘭花。大食既我倆都差d食唔哂 黃金蝦有好香既咸蛋黃味，份量都幾多，推介！南乳雞翼炸得幾香唔會太咸，相信會係配啤酒既佳餚。唯一可能可以改進既係個芝士汁，由於女友喜歡食芝士既關系，佢就覺得個汁冇乜芝士味。但係對於麻麻地芝士既我黎講就覺得唔錯喇。 整體黎講，我地都十分滿足，食物都係有水凖既つづく。

第2次幫襯kikusan，第1次朋友話想食就去試下，之後發現食物幾得意，係1d中日fusion菜，又幾好味，所以今日放工就帶男朋友泥食多次。我地都等左ard 30分鐘，但樓下就係誠品，睇下書都好快過。 我地叫左4樣食物加2壺梅本家梅酒(300ml) $88/each 食物方面，我最鐘意就係以店名命名既kikusan卷，佢係有碎吞拿魚配上海膽，仲有三文魚籽，非常足料，所以成為我encore既首選。必食！ 另外，我地叫左紅油抄手，唔食得辣既我，就覺得佢既麻辣非常厲害，但男朋友食得辣就覺得d麻辣好正，非常唔錯！ 身為軟殼蟹愛好者，見到有軟殼蟹米紙卷都忍唔住想試下，味道唔錯，隻蟹都幾大隻同夠脆。 最後個千層豬扒擔擔拉麵，係我另一個encore既菜式，但因為我唔食得辣既關係，我地個麵叫左走辣，麻醬味道都足夠，豬排亦好夠厚，但建議快d食，因為豬排好快會淋。 整體泥講，我覺得呢間餐廳環境唔錯，價錢合理，味道亦好，所以會再encore

每次經過都見到長長既人龍，所以開左一排，一直都未有時間試。係一個早起左既星期六，就決定去搏一搏，希望排隊既人少d。 店舖位於hysan既一間服裝店入面，我中午12點前去到，人龍唔算長，大約前面有7、8個人，等了大約25分鐘。 舖頭形式係自助點餐，大家要出去排隊點餐比錢，拎個號碼，之後店員就會送食物比你。我地2個人就叫左2個pancake 1甜1咸 (kiseki pancake 士多啤梨藍莓香蕉班戟 + salmon & avocado pancake 三文魚牛油果班戟) 同2杯飲品(茉香珍珠奶茶 + 普通珍珠奶茶） 食物上菜速度都算快，味道方面三文魚加牛油果配上熱辣辣既pancake，好match，三文魚都新鮮，幾好味，份量都好足夠。而甜點，士多啤梨藍莓香蕉配上鬆軟既pancake都好好味，不過相對起泥，我就覺得比較普通，似一般既普通甜品。 總括泥講，我覺得咸點比甜點好食，未食過又鐘意食pancake既你，都值得潮聖一次。

前幾日食完lunch行番公司，就發現左呢間新開既茶理史。係呢個炎炎夏日既正午，1杯凍冰冰既珍珠奶茶真係最佳既消暑良品，所以我就決定試一試。 呢間冇近日最興既黑糖系列，而我就比佢既白玉珍珠奶茶系列吸引左，叫左杯玄香白玉奶茶。 第一啖，我已經覺得死喇，我可能要日日飲！味道好好，又唔太甜，珍珠夠煙韌，加上呢杯玄香真係有陣陣既米香味，非常之夾，好好味。 最重要既係，佢相對其他珍珠奶茶舖頭既價錢比較低，1大大杯都只係$20，性價比非常高，超級推薦