影片
更多
2023-06-09
39 瀏覽
本人好中意食辣，同時又好中意拉麵濃郁嘅味道，鬼金棒一次滿足晒我兩個願望
增量叉燒x2辣麻味噌拉麵朋友係食肉獸，叫左依碗有兩大舊叉燒嘅拉麵，另外再加左拉麵必叫嘅味玉（溏心蛋）～ 叉燒肥瘦均勻，滷得入味，肉質唔柴！而且真係好大舊，十分抵食～溏心蛋係真係溏心，橙色嘅蛋黃呈啫喱狀，並無熟晒亦唔係太生味道亦相當不錯，並無太鹹而蓋左蛋嘅香味！辣麻味噌沾麵既然朋友叫左拉麵，我就叫左沾麵試試有咩分別～ 同樣係小辣小麻，但沾麵嘅湯底比拉麵嘅更濃厚，所以食落會更重口味～沾麵亦十分掛湯，令到每一啖都十分有滿足感～美中不足係依度嘅沾麵冇得選擇冷麵，因為我覺得熱湯配冷麵先係沾麵最好食嘅食法！希望佢遲啲可以提供更多選擇比顧客～食拉麵/沾麵咁濃味嘅嘢食，都係要配番汽水先過癮！純帶一提依度仲提供一次性圍裙防止你食麵嘅時候彈到自己，十分貼心！埋單三百蚊唔洗，好抵啊！
增量叉燒x2辣麻味噌拉麵
朋友係食肉獸，叫左依碗有兩大舊叉燒嘅拉麵，另外再加左拉麵必叫嘅味玉（溏心蛋）～
叉燒肥瘦均勻，滷得入味，肉質唔柴！而且真係好大舊，十分抵食～
溏心蛋係真係溏心，橙色嘅蛋黃呈啫喱狀，並無熟晒亦唔係太生味道亦相當不錯，並無太鹹而蓋左蛋嘅香味！
辣麻味噌沾麵既然朋友叫左拉麵，我就叫左沾麵試試有咩分別～ 同樣係小辣小麻，但沾麵嘅湯底比拉麵嘅更濃厚，所以食落會更重口味～
沾麵亦十分掛湯，令到每一啖都十分有滿足感～
美中不足係依度嘅沾麵冇得選擇冷麵，因為我覺得熱湯配冷麵先係沾麵最好食嘅食法！希望佢遲啲可以提供更多選擇比顧客～
食拉麵/沾麵咁濃味嘅嘢食，都係要配番汽水先過癮！
純帶一提依度仲提供一次性圍裙防止你食麵嘅時候彈到自己，十分貼心！
埋單三百蚊唔洗，好抵啊！
張貼
