燒肉酒場 (已結業)

今日去左銅鑼灣做完嘢之後，同同事一齊去燒肉酒場食咗各式各樣嘅燒肉🤤 每一樣燒肉都好特別，仲有其他小食附上。椰菜絲沙律用咗佢哋特有嘅醬汁同炸起咗嘅蒜片，酸酸地好開胃👍呢個羊湯茶漬飯啲羊肉真係好香，高湯都好濃 好暖胃！同沙律加埋一齊簡直係完美嘅前菜😻第一款燒肉係壺漬牛肋條 ，一放落去煎即刻香味四散🤤 將佢燒到五成熟，入口即化 。另一款係伊比利亞梅頭，脂肪嘅紋路好靚，咬落好有勁度，有脂肪但係食落又唔會油膩。仲有一款紐西蘭羊西冷，用咗特別嘅醬汁醃製 令到羊肉本身嘅味道有所提升🤩但係又唔會搶咗羊肉嘅香味。唐楊雞軟骨炸得好鬆脆，熱辣辣，食唔停口🥰一杯雜果燒酌同埋西柚燒酌，酒味唔算太重，果香一流，食燒肉送酒最好味😊