尚鮮日式燒肉漁市場 (已易手) 新餐廳

今日好耐無見大家，所以食豪啲叫左120分鐘任食和牛。點左個任食和牛會送一隻海鮮船。然後可以任點燒生蠔。當隻海鮮船嚟到大家都話一嘩聲因為實在太靚啦，個個都企晒起身影相打卡。店員都好貼心佢話俾客人聽啲海鮮要燒幾耐先合適。海鮮方面嘅鮑魚蝦蠔帶子都好新鮮, 全部海鮮都食得出好甜嘅鮮味。過咗一陣就會嚟買啲和牛，一嚟到又係嘩一聲，真係好靚。睇到睇得出係和牛嚟， 食落好重牛味，好正，油脂味都好重，所以食物質素係對得住個價錢😋 不過有幾個問題， 第一就係第二round 打後嚟嘅牛啲數目同order嘅有出入，少左好多好似唔想俾禁多你地禁。第二就係啲牛都未溶雪就攞出嚟比客人食。第三地方夠大，一開始又話有八人枱點知原來都係六人枱，最後要我哋八個人迫係六人枱嗰度。另外就係枱面可以擺嘢食嘅地方好少，但店員又唔會俾張茶几仔俾我地，搞到成枱都係野。