5
1
0
等級4
404
9
#throwback 放假最啱就係寫食評😎 今次想推薦一間我經常去食嘅印尼餐廳💁🏻‍♀️ 我本人耐唔耐就會去食印尼嘢,食過唔少印尼餐廳,而呢間我係由佢舊址搬到去新舖都仲食緊😂 只可以話呢間嘅味道最夾我口味😝呢間餐廳劃分咗幾個區域,除咗用餐區,近門口位置係賣印尼雜貨、小食同糕點🧆 店舖右手邊係找換店,供在港外傭兑換貨幣及購買機票🛫 我發覺唔少印尼餐廳都會用盡店內所有空間,經常都見到佢哋會劃分區域去賣印尼小食糕點及零食,不過店內有找換店真係第一次見👀食客大多數都係印尼人,人多起上嚟,坐得都比較逼。店員都係印尼姐姐,態度友善,都識講流利廣東話🤭 ❤️ 大辣醬炸雞飯 配通菜 $80呢間價錢喺印尼菜嚟講都算中等價。可以揀雞胸或雞髀,我就當然揀雞髀啦!炸雞髀大件,炸到金黃酥脆,唔會炸得太乾🍗 淋上香辣嘅Penyet Sauce,真係好惹味,一邊食一邊辣到口水不停分泌,係過癮嘅😆 另外,次次叫炸雞飯都一定要跟呢個通菜,好正!個通菜好有鑊氣,落咗蝦醬同蒜粒去炒,鹹鮮美味😙 炒得通透,唔會好油亦唔會炒到出太多水浸腍咗💦❤️ 沙嗲串(3串牛+3串雞) $70串燒肉質好腍唔乾,有焦香,醃得入味,超多醬!佢嘅秘製吵
更多
#throwback 放假最啱就係寫食評😎 今次想推薦一間我經常去食嘅印尼餐廳💁🏻‍♀️ 我本人耐唔耐就會去食印尼嘢,食過唔少印尼餐廳,而呢間我係由佢舊址搬到去新舖都仲食緊😂 只可以話呢間嘅味道最夾我口味😝


呢間餐廳劃分咗幾個區域,除咗用餐區,近門口位置係賣印尼雜貨、小食同糕點🧆 店舖右手邊係找換店,供在港外傭兑換貨幣及購買機票🛫 我發覺唔少印尼餐廳都會用盡店內所有空間,經常都見到佢哋會劃分區域去賣印尼小食糕點及零食,不過店內有找換店真係第一次見👀


食客大多數都係印尼人,人多起上嚟,坐得都比較逼。店員都係印尼姐姐,態度友善,都識講流利廣東話🤭
67 瀏覽
0 讚好
0 留言
173 瀏覽
0 讚好
0 留言
126 瀏覽
0 讚好
0 留言
115 瀏覽
0 讚好
0 留言




❤️ 大辣醬炸雞飯 配通菜 $80
43 瀏覽
0 讚好
0 留言
呢間價錢喺印尼菜嚟講都算中等價。可以揀雞胸或雞髀,我就當然揀雞髀啦!炸雞髀大件,炸到金黃酥脆,唔會炸得太乾🍗 淋上香辣嘅Penyet Sauce,真係好惹味,一邊食一邊辣到口水不停分泌,係過癮嘅😆 另外,次次叫炸雞飯都一定要跟呢個通菜,好正!個通菜好有鑊氣,落咗蝦醬同蒜粒去炒,鹹鮮美味😙 炒得通透,唔會好油亦唔會炒到出太多水浸腍咗💦



❤️ 沙嗲串(3串牛+3串雞) $70
20 瀏覽
0 讚好
0 留言
串燒肉質好腍唔乾,有焦香,醃得入味,超多醬!
23 瀏覽
0 讚好
0 留言
佢嘅秘製吵嗲醬更加係靈魂,香濃濃稠,偏甜而且多花生醬,有唔少花生粒,超送飯!😋
伴碟青瓜係新鮮嘅,唔係放到耐咗乾噌噌嗰種🥒



❤️ Gado-Gado $60
46 瀏覽
0 讚好
0 留言
佢係印尼沙律嚟,入面有豆角、雞蛋、薯仔、椰菜、炸豆腐等,再澆上吵嗲醬,面頭亦放上七彩顏色嘅印尼蝦片🥗 材料豐富,入面好多薯仔🥔 齋食其實都幾飽肚,我就會同飯一齊食。




餐廳推薦度:⭐️⭐️⭐️⭐️✨ (4.5/5)
味道好正宗,推薦!記得之前有一次撞到鄭敬基添😂 依家睇返啲相又想去堂食啦😫…唉,都係等疫情好返啲先再去啦🥲
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$105 (午餐)