影片
更多
2024-04-10
17 瀏覽
銅鑼灣呢間泰國快餐串燒店”grill” 快靚正. 餐牌只有兩頁，但貴精不貴多好吸引，有多款串燒同埋泰式食品. 收銀處先俾錢買飛搵位坐低店員會將食物奉上，免收加一. 餐廳好有效率，即使人流多，好快食物就送到. 叫咗龍眼冰透心涼下火，送燒烤一流. 而且超多龍眼肉. 好鮮甜. 一共有十多款串燒任君選擇. 😍貪心一口氣叫咗大部份串燒，大滿足. 燒菠蘿超香清甜開胃勁多汁做個開胃前菜就Perfect，燒白鱔外皮脆肉質肥美唔腥好咬口，豬頸肉串好爽有嚼勁，豬牛雞串全部肉汁飽滿保持嫩滑，配上醬汁惹味又各有不同，甜酸辣齊備好細緻. 烤魷魚串新鮮滾熱辣到出煙，爽口彈牙. 牛仔骨成個手掌咁大好震撼食落有牛油香味. 有機蘆筍同埋有機粟米串好鮮甜又可以喺食多款肉類之間間下場感覺冇咁膩. 呢間餐廳由早上11點開到凌晨5:30 ，夜晚想食宵夜吹水食串串，又多一個選擇. ⭐️中環和安里都有分店㗎，去蒲完肚餓口痕可以食下.😋
叫咗龍眼冰透心涼下火，送燒烤一流. 而且超多龍眼肉. 好鮮甜.
一共有十多款串燒任君選擇. 😍貪心一口氣叫咗大部份串燒，大滿足. 燒菠蘿超香清甜開胃勁多汁做個開胃前菜就Perfect，燒白鱔外皮脆肉質肥美唔腥好咬口，豬頸肉串好爽有嚼勁，豬牛雞串全部肉汁飽滿保持嫩滑，配上醬汁惹味又各有不同，甜酸辣齊備好細緻. 烤魷魚串新鮮滾熱辣到出煙，爽口彈牙. 牛仔骨成個手掌咁大好震撼食落有牛油香味. 有機蘆筍同埋有機粟米串好鮮甜又可以喺食多款肉類之間間下場感覺冇咁膩.
呢間餐廳由早上11點開到凌晨5:30 ，夜晚想食宵夜吹水食串串，又多一個選擇. ⭐️中環和安里都有分店㗎，去蒲完肚餓口痕可以食下.😋
張貼
