更多
2024-05-15
126 瀏覽
一時興起同朋友入左金鐘站附近呢間中菜,聽到大廳有公司包場氣氛好好,環境有氣派,內心都有啲期待。孖寶好吸引,龍蝦以外揀左川椒雞。 雞肉煎到表面焦香,乾爽唔油,好入味好香。龍蝦比想像中細隻啲,不過好好肉,有龍蝦鮮甜,仲有啲膏,好滿足。 金湯調得幾好味,清清地唔會太咸,如果伊面可以炒下會再香啲。香煎蠔烙好好咁做到正宗潮式同港式改良版之間嘅平衡,蠔烙煎得香口但仲食到蛋嘅軟滑。 蠔仔好多,飽滿鮮甜,完全唔會腥,點少少魚露有提鮮作用。
張貼