哥老官重慶美蛙魚頭 (已結業)

重慶網紅火鍋店終於黎左香港喇！聽聞呢間係中國各大城市都排隊好誇張，好彩香港分店係可以訂座。餐廳古香古色，係傳統中式風格裝潢，設有自助醬料區。湯底揀左經典麻辣 x 菊花金雞湯以魚頭同牛蛙火鍋為名，可惜我唔食牛蛙，所以點左招牌水庫花鰱魚頭，魚頭一定係放係麻辣湯底煮，濃郁川辣風味帶出魚頭鮮香，肉質細緻，膠質豐富。而麻辣鍋底味亦好惹味，紅油清香純淨，襯托出細膩嘅麻辣味。必點推介：《烏雞鳳爪》餐前小食鳳爪就食得多，但第一次食烏雞鳳爪，鳳爪已起骨，非常入味，而且帶少少辣味，叫人吃不停口。《老官招牌毛肚》即係黑柏葉，大大片新鮮脆嫩，細嚼會有淡淡牛肉甘香！《創世紀冰粉》賣相充滿古典情懷，非常特別，托盤上有一碗冰粉、一壺奶茶，更有九款配料，包括珍珠、紅豆、芋圓、西米等，店員會幫你將所有野混埋一齊攪拌，味道實在太match，奶茶唔會太甜、解辣一流又可以當作甜品，不個人覺得再凍d會更好。