3rd Space (已結業)

今次介紹既係位於上環既3rd Space，差館上街一帶算是繁忙既商業區中的一片綠州。 下午茶時間去不算多人，一坐低店員已經好熱心介紹佢地既特色菜，很方便我呢啲誤打誤撞入黎既客人呢。 佢地最signature既菜色係麻糬pancake同手製意粉，其實本黎我唔算太喜歡麻糬，不過店員講到咁受歡迎，我都點左一份。 煙鮭魚慢煮蛋忌廉手製意粉 $105睇份量算是輕食，配菜甚至比意粉多，完全咁覆蓋左啲意粉。手製意粉很有彈性，忌廉汁加埋慢煮蛋既溏心，非常creamy，煙鮭魚同火箭菜味道相對較重，味道卻很調和，個人是很喜歡這道菜的。 黑朱古力招牌燒海鹽忌廉麻糬班戟 $85 pancake沒讓我失望，首先賣相是100分的。雖然是dark chocolate的，但不算太苦澀，難怪店員說小朋友都喜歡吃呢！這個甜點一定要趁熱吃，不然麻糬凍了就唔Q彈了，麻糬同上面的海鹽忌廉帶少少咸，異常地岩我胃口，一個人吃哂全份都唔覺太膩。 皇室伯爵茶黑朱古力 $48起初怕點了2個菜都是黑朱古力會很膩，其實還好，因為這杯飲品的茶味較重，反而解了點油膩感。