渝味曉宇重慶老火鍋 (QRE Plaza) (已結業) 查看

糖水🍬🥣 (好味指數：😍😍😍🤩)
一坐低店員就放低左冰糖雪耳糖水，原來係比大家喺食辣🌶️之前養下胃，望落有雪耳同紅棗🔴，清甜滋潤～

鴛鴦湯底🥣 ($38/位)
養生花膠雞鍋 (+$20/位) (好味指數：😍😍😍🤩)
用左三黃雞🐥，加埋花膠、蟲草花、杞子同雞湯🥣等熬製，而雞湯用左老雞🐥同雞腳熬左 6 個鐘，味道幾清甜～用左雞粉調味，無落糖同味精ga~ 而料方面2個人食就有 1/4 隻雞，裡面既花膠爽口唔會韌

大骨滋補湯🦴🥣 (好味指數：😍😍😍😍)
因為小編唔食辣🌶️就試左呢個湯底🥣，味道幾濃郁惹味，裡面有大豬骨🦴、紅蘿蔔🥕、粟米🌽、紅棗🔴、馬蹄等等，有啲似我地平時飲既豬骨🦴老火湯🔥🥣咁，有啲鹹香，同其他配料都夾～

美國 Prime 牛小排 (半份) 🐮 - $128 (好味指數：😍😍😍😍🤩)
Prime指極佳級，用左細過42個月既牛🐮，有幾豐富既大理石油花～牛小排位於牛肋脊部靠近肚側面既位置，油脂分布均勻，望落肥瘦適中，肉質柔嫩甘甜，牛味🐮幾濃郁，脂香四溢👍🏻

黑豚腩肉 (半份) 🐷 - $48 (好味指數：😍😍😍😍🤩)
味道幾甜美，因為肌纖維比較幼細，肉質幾有彈性～油花脂肪平均，食落唔會鞋口～

手打四寶丸 (半份) 🍡 - $58 (好味指數：😍😍😍🤩)
係手打而唔係用機整出黎既，口感會比較特別，幾彈牙多汁～嗰4種丸分別係黑松露墨魚丸🦑、鮮蝦丸🦐、香草牛肉丸🌿🐮、豬肉貢菜丸🐷，味道幾香口鮮甜～比較鍾意豬肉貢菜丸🐷，幾夾同埋幾惹味～

鮮活海蟶 (半份) - $45 (好味指數：😍😍😍😍🤩)
呢個係季節限定，所以就吸引左小編叫黎試下～海蟶用繩紮起左表面望落有啲少，但拆開有6隻，其實幾大隻厚肉，味道清甜彈牙，爽口鮮嫩，有海水🌊既氣息～淥5分鐘就食得，淥好之後都唔會縮水，好食😋

白蘿蔔 (半份) ⚪️🥕 - $18 (好味指數：😍😍😍😍)
清甜可口，吸收晒兩邊湯底🥣既精華，夠晒腍甜同多汁，正🤤

功夫萵筍片 (半份) 🟢 - $28 (好味指數：😍😍😍😍)
切完片跟著擺到個花球結咁好靚🤩 味道就清甜爽脆，仲可以祛濕tim~

桂花蚌 (半份) 🦪 - $78 (好味指數：😍😍😍🤩)
桂花蚌原來唔係蚌😂 係海參既腸臟，又叫做「海參筋」，味道鮮甜爽口，仲無膽固醇同脂肪,感覺幾得意～

稻田毛肚 (半份) - $78 (好味指數：😍😍😍😍)
毛肚係牛🐮既第三個胃，因為好似塊葉咁所以就叫做牛柏葉～呢個有用冰🧊鎮住保持新鮮～而新鮮既毛肚係黑色既，比起漂白左既更加有彈性同新鮮，口感爽脆彈牙唔會韌，唔錯～

現炸豆皮 (半份) 🥠 - $38 (好味指數：😍😍😍😍)
平時響鈴就食得多，豆皮就第一次見，小編既fd就忍唔住話想試下～用黃豆為原料，經過浸泡、磨漿、過濾、結膜、撈膜、晾乾等多道工序，整到，似紙咁薄再放落200度既大豆油炸成，望落係金黃色，薄身又脆卜卜～幾香豆味，用響鈴既食法，浸一浸湯🥣，有湯🥣既味道又有香脆既口感～

海帶麵 (半份) 🍜 - $38 (好味指數：😍😍😍😍🤩)
平時好的麵都係澱粉黎，而呢個係用海帶整成既，以纖維為主，接近零卡，亦都比普通既麵爽脆好多，口感幾得意，似條狀既飛魚籽咁😂 不過要注意⚠️唔好煮得耐，稍為煮耐左就會有啲似腍左既粉絲