Burgeroom (美麗華廣場1期)

營業中

休息中

有排朋友不斷話想食尖沙咀某間漢堡店，但因為有啲少貴，所以我另外有搵仲有無其他漢堡店，有機會再試佢想食個間。搵搵下發現美麗華呢間漢堡店好似唔錯，唔算好貴，都多人食同有好評。於是就book定位，點知去到發現好似唔使book都得，入座個陣唔算太多客。-牛肉漢堡$75上枱個陣都覺得份量幾多，漢堡包包身、牛肉，以至於蕃茄都好厚身。個人其實唔太鍾意呢款包，加上店家烘炸時間應該唔太長，無咩香氣同口感可言，做唔到外脆內軟。牛肉係幾厚身同多汁，亦有淡淡牛香，但唔夠濃郁。厚切蕃茄好新鮮，食落鮮甜清香。最欣賞係用咗千島沙律醬，好開胃。但由於個包太大舊，食食下真係好難保證唔散架，食到好狼狽。-旋風薯條＄28呢款薯條同著名連鎖快餐店同款，不過呢間炸得幾出色。炸得唔會過老，保留到薯仔香，外表呈金黃，入口酥脆。最重要係份量都唔少，蘸上茄醬或芥末醬都好滋味。個人認為薯條比漢堡包更出色。