米走雞Deluxe (已搬遷) 新店位置

凍番朋友話要去打邊爐，我揀左呢間米走雞食芝士雞煲，太邪惡啦超級好味。黃金芝士雞煲我地叫左小，芝士碎叫左普通，如果你係好中意芝士可以叫激量，入面有大量洋蔥，芹菜，芫茜，乾葱等。店員叫我地由上食到落去，唔好整到芝士係底，因為芝士會痴底。芝士味道濃郁，雞肉嫩滑多汁，份量都唔少，件件大件又少骨，食完可以加芝士湯去打邊爐。粟米香甜，加上芝士湯好好味。手打五寶丸手打丸爽口彈牙，粒粒咬開都爆汁。烏冬稻庭烏冬入口滑嘟嘟。