Day and Nite by Master Kama (已結業)

旺角dinner食咩好？今次就同朋友黎到呢間上樓的Day and Nite by Master Kama嘆一嘆先～睇完個menu，我最想食就係呢個流心芝士龍蝦三文治，就係聽個名都夠晒吸引！嘩～啲芝士多到流晒出來，而且是熱辣辣的，一拎起份三文治，啲芝士即刻做到拉絲的效果，見到都覺得好邪惡啊～但為左食一於少理，幾邪惡都ok呀！厚多士烘得剛剛好，邊香脆內鬆軟，中間夾住大量香噴噴的芝士及爽口彈牙的龍蝦肉，每一口都好滋味。大愛芝士的朋友要試下啊！而且還配香口好食的炸薯條同新鮮的沙律！另外還叫了Master share set，可以同時食到幾款不同的小食，分別有香脆炸雞翼、三重芝士雞肉烤餅、章魚燒、芝士條、雞軟骨餃子同炸薯條！我覺得當中三重芝士雞肉烤餅最好食，烤餅香口又夠薄，芝士又多加上酸酸的蕃茄粒，感覺沒咁油膩，而且味道好match！另外叫了兩杯超夢幻的Dreamer Smoothies，分別係好似棉花糖色的Unicorn Dream，味道酸酸甜甜。另外係粉綠色的Cookie & Mint，香甜的朱古力曲奇味中帶有清新的薄荷感覺，兩者好夾，食落沒咁甜膩膩！今餐食得好開心，下次再黎食下其他菜！