影片
更多
2017-09-16
172 瀏覽
今日約左朋友去荃灣，行左陣見肚餓，係悅來坊入面搵野食。成日無點食過野既我就提議不如食放題之類，行過牛之鍋𥄫下個menu好似幾好，乜都有得食，$208可以打邊爐食日本料理仲有甜品，咁係幾吸引，所以入左去食。個時8點幾，要㩒飛等一陣，不過10分鐘內都入到去。坐底第一樣野就係揀湯底，menu上可見有六款，選擇都較大眾化，而我揀左比較少見既黑松露龍蝦湯，我自己就覺得湯底偏淡，不過醬料我覺得豉油好過芝麻醬，因為芝麻醬較稀，好似仲有個柚子醬汁不過無試度大家可以去試下。大部分配料都係自己出去攞，除左肉類要落order，一份都幾多下，我同朋友叫左極上牛肉同精選豚肉，攞左丸類生菜響玲等等，全部味道都正正常常。最吸引我既反而係佢日本料理同甜品！好多選擇又高質。我推介三文魚壽司(有啲似三文魚魚腩、花之戀(迷你一口食得哂)、大蝦天婦羅(新鮮熱辣辣)、芝麻雞翼(惹味)，全部都好有水準！到甜品部分仲正！我差唔多樣樣都有試，全部都迷你版，唔洗驚會食到好飽，試左五樣都覺得幾好！特別推介精選綿綿冰(今次係芒果，賣相同味道都100分)、日式乳酪(表面有士多啤梨粒同栗米片幾match)、芒果班戟(芒果肉同皮都正)同楊枝金露
坐底第一樣野就係揀湯底，menu上可見有六款，選擇都較大眾化，而我揀左比較少見既黑松露龍蝦湯，我自己就覺得湯底偏淡，不過醬料我覺得豉油好過芝麻醬，因為芝麻醬較稀，好似仲有個柚子醬汁不過無試度大家可以去試下。
黑松露龍蝦湯
10 瀏覽
0 讚好
0 留言
大部分配料都係自己出去攞，除左肉類要落order，一份都幾多下，我同朋友叫左極上牛肉同精選豚肉，攞左丸類生菜響玲等等，全部味道都正正常常。
極上牛肉
11 瀏覽
0 讚好
0 留言
精選豚肉
8 瀏覽
0 讚好
0 留言
最吸引我既反而係佢日本料理同甜品！好多選擇又高質。我推介三文魚壽司(有啲似三文魚魚腩、花之戀(迷你一口食得哂)、大蝦天婦羅(新鮮熱辣辣)、芝麻雞翼(惹味)，全部都好有水準！
花之戀 三文魚壽司
11 瀏覽
0 讚好
0 留言
到甜品部分仲正！我差唔多樣樣都有試，全部都迷你版，唔洗驚會食到好飽，試左五樣都覺得幾好！特別推介精選綿綿冰(今次係芒果，賣相同味道都100分)、日式乳酪(表面有士多啤梨粒同栗米片幾match)、芒果班戟(芒果肉同皮都正)同楊枝金露！有無發現仲有一樣無講呢，原因係我覺得咖啡奶凍既咖啡味真係好重比較苦，但如果鐘意飲咖啡既人我諗會鐘意佢既。本來仲想叫埋雪糕窩夫，但已經好飽食唔落嚕，下次要再去食埋佢先得！
精選綿綿冰
5 瀏覽
0 讚好
0 留言
芒果班戟
10 瀏覽
0 讚好
0 留言
日式乳酪(右)
4 瀏覽
0 讚好
0 留言
最後仲想提及下個野飲，我覺得最特別係有藍莓味既Apple Cider，好少見到放題有，我自己就幾鐘意飲，其他都無咩特別。
Blueberry Apple Cider
7 瀏覽
0 讚好
0 留言
總括黎講，我覺得一係唔食，一係食晚市放題A 因爲貴B $40就可以食埋日式料理放題。另外環境幾寬闊裝修都幾靚，上菜速度都算快，唯獨遞紙叫野食同其他放題一樣都要等啲waiter得閒或者經過先叫到。
張貼
