翠林辣蟹舫

平時好少係街食蟹，食嘅話都係蒸蟹、打邊爐多，口味重啲少試今次就試下避風塘炒蟹，好似係真係幾乎係第一次係街食避風𡐓炒蟹😂先講吓環境，呢度係中式酒樓感覺嘅格局，位置幾多，有卡位同圓枱，最多可以 6個人一枱，而且最夜可以去到12點～同朋友傾計想傾耐啲都得避風糖炒蟹 呢到嘅避風塘炒蟹係用咗「越南肉蟹」，最過癮係有隻「大蟹鉗」，本身已經敲碎咗少少，我哋勁易起到一大舊肉，食落肉質都幾爽口，點返啲炸蒜食都唔錯，擺盤一嚟到真係霸氣十足，超級多炸蒜，影相前大家都被炸蒜吸引咗夾咗啖嚟食。炸蒜超鬆脆，而且跟咗姐姐推介話「中辣」係最好食，所以叫咗中辣，的確好惹味而且鑊氣十足。黃金蝦球超級鬆脆嘅黃金蝦球表面加咗黃金䶢蛋碎，咸香配大大隻蝦球口感豐富。