極尚大瀛喜日本料理 (已結業)

早排同太太去銅鑼灣行街街😬行到咁上下，又開始肚餓啦😂當然又係時候搵下嘢食啦，比我哋搵到呢間「極尚大瀛喜日本料理」，其他分店都食過，質素都唔錯！今次就試吓銅鑼灣呢間啦😊雖然係閒日，但人客都係非常之多，呢間人氣放題店果然並非浪得虛名！而且性價比仲非常高😋我哋食頭圍，5:30pm食到7:30pm，$258/位☺️超過100種種類選擇，有熟食有刺身有壽司😬有中西日式料理任食！嘢飲嘢食任飲任食之餘，啲甜品都係任食㗎 ！非常多款式揀☺️啲刺身十分之新鮮，刺身類中小編最愛拖羅，非常鮮😋啲壽司🍣全部都好的骰細細件，試哂唔同款式嘅壽司都唔會食到好飽，仲可以食其他嘢🤤值得一提，店員們嘅態度友善，而且送餐同收碟嘅速度都好快，可以比我哋不停咁嗌嘢食，仲要冇漏單嘅情況！真係值得一讚👍