更多
2015-07-03
2002 瀏覽
難得假期可相約家人一起聚餐, 地點要方便, 價錢中等及中式菜式. 一向喜好上海菜的我們, 今次便來試試希慎商場內的"南小館", 以往經過都見多人排隊等位, 加上今天是假期我們又相約7點半更加怕爆棚, 幸好我倆可以6點半早到先取位, 因為時間尚早仍未滿座. 這店給我第一感覺很CAFE FEEL, 很多年輕顧客, 連侍應生都是快手快腳既年輕人, 欣賞她可以將中式菜攪得年輕化 (睇睇她們的FB更能感受這種活力). 裝修空間感頗大, 樓底高, 光線充足, 窗邊的是高餐枱椅, 可眺望銅鑼灣商廈夜景. 大部份是木製餐枱椅感覺casual, 但每枱之間較擠逼, 椅背與椅背容易碰撞.餐牌上的食物都是我們慣常食的款式, 主要以輕食為主, 冷盤小食/麵食/飯類/雲吞點心/甜點, 選擇頗多, 價錢大部份都是30幾蚊起, 小籠包50幾蚊, 比起傳統上海菜館經濟好多, 叫多幾款餸都仲得...... 未食主餐已被其獨特的茶吸引, 顏色帶點金綠色, 味道清淡得來又帶點炒香米味, 吸引我飲完一啖又一啖, 問問店員才知這是蕎麥茶, 而它更具有健體功效, 能排毒, 改善血液循環及降低血壓等等, 大家不防多飲幾
餐牌上的食物都是我們慣常食的款式, 主要以輕食為主, 冷盤小食/麵食/飯類/雲吞點心/甜點, 選擇頗多, 價錢大部份都是30幾蚊起, 小籠包50幾蚊, 比起傳統上海菜館經濟好多, 叫多幾款餸都仲得...... 未食主餐已被其獨特的茶吸引, 顏色帶點金綠色, 味道清淡得來又帶點炒香米味, 吸引我飲完一啖又一啖, 問問店員才知這是蕎麥茶, 而它更具有健體功效, 能排毒, 改善血液循環及降低血壓等等, 大家不防多飲幾杯.
蕎麥茶
79 瀏覽
0 讚好
0 留言
自選小食拼盤4小碟 ~ 很好的自由選擇, 8款小食任揀4款, 雖然每款份量不多, 但比起散叫更經濟. 我們揀了醉雞: 肉質不實但又不嬾滑, 酒味尚可; 肴肉: 4件剛好夠分, 質地不夠爽口, 每塊的肉與膠凍比例不平均; 糖醋骨: 每件都有肉有骨, 肉質軟熟, 顏色夠深, 糖與醋的味道調配適中; 涼拌木耳: 一朵朵爽脆的小木耳, 汁料帶有少少wasabi味道, 廷開胃.
手抓餅: 一碟2件, 上碟時熱辣辣, 餅內有少量蔥碎, 如能配有醬汁的菜式一起食會較好.
蒜蓉炒芥蘭: 不知是否因為$28所以份量較少, 上碟看不多蒜蓉, 但食落便有大大蒜蓉味. 幼身芥蘭似芥蘭苗, 很爽嬾
鮮肉小籠包
46 瀏覽
1 讚好
0 留言
薺菜肉雲吞
91 瀏覽
1 讚好
0 留言
薺菜肉雲吞: 每去一間新的上海店必要試菜肉雲吞, 難得這裡打正旗號用薺菜, 更加要試, 因為大部份餐館是用小白菜, 我喜愛薺菜較爽口. 菜既比例多過肉是我最期望的, 這裡做到, 雲吞皮薄, good!! 不過...食落感到有少少梘水味.....而湯底較淡.....所以不太回味.
紅油抄手
30 瀏覽
0 讚好
0 留言
自選甜品拼盤: 又是自由選擇4款甜品, 中式+西式創作, 4款味道都不太甜. 棗泥糕: 濃香棗泥味, 質地煙韌; 南瓜紅豆糕: 這款質地較實, 沒有南瓜味; 綠茶奶凍/杏仁茶奶凍: 兩款奶凍質地軟滑, 味道濃郁.
題外話/補充資料：
入座後限時個半鐘, 因為上菜速度很快, 所以都好快食完. 店內侍應生足夠, 就連斟茶的速度都是自動自覺的. 雖然坐位較逼, 碟頭較少(真是輕食), 食物質素平均, 但勝在經濟實惠及地點方便. 印象最深刻真是杯蕎麥茶.
(以上食評乃用戶個人意見 , 並不代表OpenRice之觀點。)
張貼
