Burgeroom (美麗華廣場1期)

營業中

休息中

呢間餐廳地點好方便，地方又大又濶落，裝修又夠特別，最啱同閨密或者一班朋友黎食嘢傾計，仲可以啤一啤。大烤菇芝士牛肉漢堡，大啡菇好厚身，加上流槳芝士同啖啖肉既牛肉漢堡，同埋生菜同蕃茄，真係份量十足。最好既喺個飽都係keep住香脆，食到最後都係脆身，唔會整濕咗變到腍哂。單骨烤雞翼係我最受既小食，外層烤到鬆脆，味道帶少少辣，好惹味，配蜜糖芥末醬更美味，用黎送啤酒真係一流。雞翼切開單骨咁整真係好好，方便女士進食，可以保持儀態。有美食點可以唔叫番杯啤酒，Orion 啤酒 : 日本沖繩既進口啤酒，麥味不重飲完留有很少的苦味在口中，易入喉都幾好飲，6點前order $45/杯，6點後order $65/杯。朋友就叫Asahi 朝日啤酒，同樣都係日本啤酒，泡沫綿密，飲起黎都易入口，麥味香帶一點淡淡的苦味，6點前order $39/杯，6點後order $60/ 杯。