豐鍋雞煲 (荔枝角道) (已結業)

呢間雞煲本來我地係常客, 都經常黎食好多時都要排隊, 不過發現越黎越少人去, 最近一次係我令我地可能暫時停下唔再黎。一直以黎我地必叫既爽滑魚皮, 招牌雞煲, 即炸響鈴, 鴛鴦檸樂, 除咗鴛鴦檸樂既味無變外, 其他都有點唔同咗。以前爽滑魚皮, 必定追加兩三次, 大家都要搶住食, 今日連第一碟都食淨好咸無香味。 雞煲唔係太入味, 而響鈴平時一放湯既炸炸聲都無哂, 唔知係唔係整定咗。另外, 仲有叫下其他食物, 脆肉鯇唔新鮮有泥味, 鴨血不過不失啦, 穩陣就午餐肉及菜。整體上比以前退步咗。