越男仔 (已搬遷) 新店位置

友人瘋狂推薦呢間越男仔，聲稱每次經過都要食，我食完會同佢一皮咁上癮。見佢誠意拳拳，就同佢一齊食咗一次。一坐低佢就指住一個四寶粉，講話一定要食、好正！半信半疑之下，我聽左佢講叫咗一碗，額外再加個小食一齊share。呢碗四寶面係鮮蕃茄湯底，識落唔係罐頭蕃茄味，飲幾多湯都唔會口渴。加上，佢嘅配料好多，食一碗岩岩好。小食拼盤有炸春卷、鳳爪等等，樣樣都好出色，同朋友仔去食可以叫一個大家食，幾抵架。另外，仲叫左兩杯特色飲品，大大杯，又唔似某燈色/黃色嘅連鎖餐廳咁，冰同飲品嘅比例岩岩好，重要嘅係佢唔會用味精或色素去fake一個味出黎。叫左梳打嘅，記得要篤下佢，篤左好飲好多架！