Burgerman (欽州街) (已結業) 查看

今日黎到深水埗搵野食,發現呢間專食burger既鋪頭店面唔大,只有6-8個位,等左一陣就有位啦叫左至尊牛肉漢堡個包真係超豐富!最底層有蕃茹,生菜,洋蔥,中間有兩塊厚厚既芝士漢堡,漢堡中間仲有幾粒磨菇最上面仲有蛋同煙肉,再加小小洋蔥!啲牛好juicy,如果芝士可以再多啲就perfect啦!加上佢有蕃茹同菜做底,令成個包冇左油膩感!佢仲有其他包我會試哂佢架!!!不得不提既係,佢跟餐可以配薯格/薯條/沙津+汽水我呢個跟餐既薯格真係超有誠意,薯格炸得金黃香脆,一啲都唔乾,而且份量十足呢個餐建議2人share,因為真係好足料!另外仲叫左脆炸特製蕃薯條呢度除左burger好食,佢啲配菜都相當唔錯!單買一個蕃薯條,份量相當多即叫即炸,所以炸得金黃香脆,而且唔會乾又唔會油蕃薯條甜甜地,再配上旁邊既沙律醬可以話係絕配呀!