影片
更多
2022-09-10
954 瀏覽
今日去左榮來樓食飯，屋企人介紹話好食，即管一試，但去到全部野食都加左$20一樣，勁貴！但都算啦，一場黎到就試下。點左幾款小菜，普遍都要一百幾蚊一碟！先上椒鹽九肚魚，勁油膩，魚肉好腍好濕，感覺好油唔乾爽，食一舊就唔想食了。素炒伊麵 無食過 唔知味道然後黎左一隻咸雞，$188/隻預算佢會好大隻，佢仲要好醒咁將一隻開兩碟好似好多份量咁，但側邊擺滿炸到燶哂嘅油炸鬼，搵鬼食咩？咁黑！而且成碟野其實唔係好多雞，好多都係油炸鬼。咸雞就仲衰！第一眼見到，嘩，咁乾咁瘦嘅？？？皮又乾，骨又黑，肉又梅，咩事？$188你比隻咁嘅雞我？？？食落仲驚，點解個口感、味道、色澤、大細，同我係街市買大陸預先包裝煮熟左嘅「客家咸雞」一模一樣嘅？又咸又乾又柴！我比$188黎食你呢隻街市買$100/3包嘅原隻咸雞？？？其他榮來樓食評果隻雞，完全唔係咁嘅樣！就算咸雞，都唔會變左咁瘦咁乾咁黑架！成盤野都係垃圾！最後全檯人都唔食隻雞，每人一件就無再食過！豉椒鵝腸，還可以，正常，但你話味道同價錢都係唔成正比。呢個魚泡煲要$148！真係貴到痴線！好好食又唔係，又係普通薑蔥爆，但魚泡尚算大舊彈牙。 糖醋咕嚕肉，完全薄如紙，食炸粉定係食肉
點左幾款小菜，普遍都要一百幾蚊一碟！
先上椒鹽九肚魚，勁油膩，魚肉好腍好濕，感覺好油唔乾爽，食一舊就唔想食了。
素炒伊麵 無食過 唔知味道
然後黎左一隻咸雞，$188/隻
預算佢會好大隻，佢仲要好醒咁將一隻開兩碟好似好多份量咁，但側邊擺滿炸到燶哂嘅油炸鬼，搵鬼食咩？咁黑！而且成碟野其實唔係好多雞，好多都係油炸鬼。
咸雞就仲衰！第一眼見到，嘩，咁乾咁瘦嘅？？？皮又乾，骨又黑，肉又梅，咩事？
$188你比隻咁嘅雞我？？？
食落仲驚，點解個口感、味道、色澤、大細，同我係街市買大陸預先包裝煮熟左嘅「客家咸雞」一模一樣嘅？又咸又乾又柴！
我比$188黎食你呢隻街市買$100/3包嘅原隻咸雞？？？
其他榮來樓食評果隻雞，完全唔係咁嘅樣！
就算咸雞，都唔會變左咁瘦咁乾咁黑架！
成盤野都係垃圾！最後全檯人都唔食隻雞，每人一件就無再食過！
豉椒鵝腸，還可以，正常，但你話味道同價錢都係唔成正比。
呢個魚泡煲要$148！
真係貴到痴線！
好好食又唔係，又係普通薑蔥爆，但魚泡尚算大舊彈牙。
糖醋咕嚕肉，完全薄如紙，食炸粉定係食肉？d豬肉又薄又幼，炸粉勁厚，唉，無眼睇。
整體都係好壞參半，如果佢係平嘅話我都算，但佢唔平呀嘛！勁貴架！差差差。
張貼
