嵯峨野

營業中

休息中

早排係官網預訂咗千禧新世界嘅「享‧饗」住宿禮遇～package包下午茶、午餐/晚餐同早餐～晚餐我就選擇試吓呢間日本餐廳，menu總共有7道菜。餐廳座位私隱度高，坐得舒服。✦ 三款季節前菜✦ 鯛魚、吞拿魚及油甘魚✦ 日式煮鰻魚伴洋蔥及雞蛋✦ 吉列池魚✦ 八爪魚酸食✦ 牛肉飯 配味噌湯及醃菜✦ 時令水果/ 雪糕餐牌會定期轉，刺身鮮甜，吞拿魚同油甘魚都好正，而且幾厚切。炸池魚有驚喜！外皮炸得好平均香脆，肉質好嫩滑都幾厚，有魚味！旁邊仲有日式薯仔沙律。牛肉飯好大碗，牛肉算幾靚，但係成個飯就油咗啲，食咗幾淡就算。特別一讚柚子味雪糕，超濃同埋好fresh比較少見。總括嚟講各樣食物都唔錯，但如果食曬嘅話真係幾飽。