常滿百家菜

營業中

休息中

朋友話呢間係佢同事推介過抵食嘅食肆，咁啱今日約喺荃灣，一於試下。一出𨋢見到二三十年前嘅酒樓裝修，完全唔係大鴻輝各層餐廳嘅風格。一開波就叫點心，蝦餃燒賣好一般，但味道還可以。小籠包皮厚，大家都食淨啲皮。打邊爐係敗筆，牛肉冇肉味，豬肉又鞋口，鯪魚肉丸散嘅，食完呢輪，已經完全冇意欲再食落去。跟住試甜品，個甜品櫃內有啫喱同桂花糕，但睇個樣就唔多想攞。朋友攞咗個青檸啫喱，估唔到佢話好食。跟住我試豆腐花，豆腐花嘅質感似豆腐多過豆腐花，失望。唯一抵讚地方係飲品，罐裝喜力，嘉士伯都任飲。汽水方面，可樂雪碧芬達都有細支裝任飲。其餘有石榴汁，荔枝烏龍同忌廉溝鮮奶等。整體來說，食物多但質素一般，食開環境嘅更加唔啱你嚟，我亦唔會再幫襯。