越朝 (已結業)

行完波鞋街，搵下食乜好，見到有下午茶，一於試下，我們又中意食越南野香煎大蝦伴蝦膏炒金邊粉。$59好正，有3隻蝦，煎得好惹味，蝦肉扎實彈牙，仲有少量蝦膏金邊粉份量唔少，擠少少青檸撈埋d花生碎食，好好食啊！另配少量沙拉，及酸紅白蘿蔔條，可清清口腔！越南火車頭湯粉。$54可選河粉、檬粉、金邊粉我揀左金邊粉，好滑呢！啖湯好香濃！有牛肉、牛𦟌、牛丸、牛柏葉，全部份量都真係好足！牛肉嫩滑，牛𦟌彈牙，唔錯！有大量洋蔥同香蔥，增加口感提升牛的鮮味正當睇緊下次食乜既時候，比我睇到牆身話做到15號就轉型啦