更多
2021-03-02
638 瀏覽
以前經過MOKO都見到呢間好多人排隊,門面裝修幾靚,今次喺app見到訂座有折就去左,點知就中伏!當晚(星期4)8:30pm準時到達餐廳,門口依然好多客人等位,場內亦都full booking,心諗咁晏仲咁旺應該好高質⋯ 1. 蘑菇忌廉雞肉湯 ❎ 好淡,唔濃郁唔夠Creamy,好似加咗好多水咁,餐包亦都冇奉上,要問侍應先有,黑醋汁亦都隔咗一陣先比我地。2. 炸魷魚❎ 等咗半個鐘終於嚟到!一擺低見到無煙都知出事,只得兩成溫度,醬汁冰冷。將僅餘嘅兩成溫度點落個凍冰冰嘅汁,自己諗吓⋯3.意大利千層麵❎ 再隔10分鐘,一共40分鐘終於嚟第一個main。今次好d 有五至六成溫度。😓賣相正常,切開便知龍與鳳⋯ 每層只係夾雜着番茄醬,幾乎係冇肉碎,同埋白色一pat pat嘅嘢,食到最尾係硬,真係好失望,等咗八個字竟然比啲咁嘅嘢我!4.蕃茄海鮮意大利飯(0.5)❎ 第二個main需時45分鐘,賣相都係正常。Risotto應該要煮得飽滿但又不失咬口。等咗九個字嘅出品,竟然咬落去飯心係未熟,唔等你都要過客等咗咁耐點解唔煮熟啲呢?終於忍唔住要同侍應講,經理提出換個比我地。10分鐘後,成晚終於有一道餸係熱辣辣出
當晚(星期4)8:30pm準時到達餐廳,門口依然好多客人等位,場內亦都full booking,心諗咁晏仲咁旺應該好高質⋯
1. 蘑菇忌廉雞肉湯 ❎ 好淡,唔濃郁唔夠Creamy,好似加咗好多水咁,餐包亦都冇奉上,要問侍應先有,黑醋汁亦都隔咗一陣先比我地。
2. 炸魷魚❎ 等咗半個鐘終於嚟到!一擺低見到無煙都知出事,只得兩成溫度,醬汁冰冷。將僅餘嘅兩成溫度點落個凍冰冰嘅汁,自己諗吓⋯
3.意大利千層麵❎ 再隔10分鐘,一共40分鐘終於嚟第一個main。今次好d 有五至六成溫度。😓賣相正常,切開便知龍與鳳⋯ 每層只係夾雜着番茄醬,幾乎係冇肉碎,同埋白色一pat pat嘅嘢,食到最尾係硬,真係好失望,等咗八個字竟然比啲咁嘅嘢我!
4.蕃茄海鮮意大利飯(0.5)❎ 第二個main需時45分鐘,賣相都係正常。Risotto應該要煮得飽滿但又不失咬口。等咗九個字嘅出品,竟然咬落去飯心係未熟,唔等你都要過客等咗咁耐點解唔煮熟啲呢?終於忍唔住要同侍應講,經理提出換個比我地。
10分鐘後,成晚終於有一道餸係熱辣辣出晒煙!味道好好,配料份量足夠👍🏻
5. Tiramisu✅ 大份,中規中矩!
總括:雖然當晚係爆場,但侍應嘅服務質素的確有待改善。食物亦無需多講,睇返其他食評都知道有幾個大問題 ❎時間長 ❎凍 ❎ 唔熟
好失望,就算有折都唔會再食,希望餐廳可以正視問題!
16 瀏覽
0 讚好
0 留言
張貼