影片
更多
2022-01-28
905 瀏覽
之前同朋友約好咗去「走過十萬八千里找到你」慶祝生日，但可惜疫情肆虐，再次無得晚市堂食😭。餐廳打嚟同我哋取消Booking之際，話佢哋晚市會照開店做外賣，自取仲有八折添🥡。既然我哋都要搵嘢食買返去，於是就決定幫襯支持下😛。呢度樓層面積雖細，但裝修精致，絕對係一間靚靚打卡Cafe。女店員非常有禮貌，相信如果有得堂食，一定會係一個好嘅體驗。我哋嗌咗兩個意粉🍝同一份小食，食物即叫即整，熱辣辣，質素高。卡邦尼扁意粉配溫泉蛋($108)，餐牌上註明係選用Pancella煙肉港式製法🥓，咁即係點？我估係指意粉落咗忌廉去煮，但正唔正宗又有乜所謂呢，因為最重要係好食。卡邦尼醬汁濃而不膩，芝士同煙肉帶出鹹香。題外話，原來溫泉蛋係分開上🥚，自己剝殼倒落去，儀式感十足。明太子岩鹽燒蟹棒貓耳朵($138)，明太子口味嘅Pasta無得輸😋。明太子以外仲有蟹籽同三文魚籽，幾樣夾埋一齊食爽爽的，而且又夠鮮味。🐱貓耳朵粉似厚切嘅貝殼粉，口感富有嚼勁，兼且掛汁度高。唯一有少少挑剔嘅地方就係蟹棒得一條，有啲孤寒🙈。黑松露薯條配黑松露醬($68)，🍟薯條好大盒，每條都新鮮炸起，所以好香脆，但另一邊廂，中間就相對無咁軟身。黑松
之前同朋友約好咗去「走過十萬八千里找到你」慶祝生日，但可惜疫情肆虐，再次無得晚市堂食😭。餐廳打嚟同我哋取消Booking之際，話佢哋晚市會照開店做外賣，自取仲有八折添🥡。
既然我哋都要搵嘢食買返去，於是就決定幫襯支持下😛。呢度樓層面積雖細，但裝修精致，絕對係一間靚靚打卡Cafe。女店員非常有禮貌，相信如果有得堂食，一定會係一個好嘅體驗。
我哋嗌咗兩個意粉🍝同一份小食，食物即叫即整，熱辣辣，質素高。
卡邦尼扁意粉配溫泉蛋
$108
18 瀏覽
0 讚好
0 留言
明太子岩鹽燒蟹棒貓耳朵
$138
12 瀏覽
0 讚好
0 留言
黑松露薯條配黑松露醬($68)，🍟薯條好大盒，每條都新鮮炸起，所以好香脆，但另一邊廂，中間就相對無咁軟身。黑松露二重奏衝擊味蕾，薯條本身已經有啲黑松露粒，另外仲有松露沙律醬。
飲品方面，嗌主食奉送一杯$52樓下嘅飲品，我哋要咗阿華田拿鐵☕️同玫瑰烏龍茶🌹。即使係外賣，但造型都唔馬虎，就好似花茶咁真係落咗幾片花瓣㗎。阿華田味道好濃郁，甜度適中。
總括嚟講，餐廳雖然係一間打卡店，但食物出品一樣掂👍。我希望疫情可以早日緩和，等大家可以出街放心啲，輕輕鬆鬆坐低食個飯。晚市堂食開返的話，我會再嚟幫襯。
張貼
