新味道 (已結業)

今日突然行過將軍澳，諗住搵間茶餐廳食個午餐，點知一食有驚喜，呢度位置算太大，但係服務員點餐同上餐速度10分快，今日叫咗個沙嗲肥牛通粉，同埋餐肉炒蛋，講吓個沙嗲先，味道好濃郁 同出面食開既真係無得比！唔好睇好似好簡單咁，要整得好食真係考功夫，完全比得上舊式茶餐廳嗰種風味，炒蛋都好好食 唔會太熟太老！杯熱奶茶真係要讚一讚佢，茶香濃滑，我飲完都忍唔住買咗杯外賣俾屋企人試下，連佢哋都大贊！呢間茶餐廳算係比較新式，地方乾淨，食物不錯，價錢$40左右包涷飲有交易，見隔離枱食個碟頭飯都讚不絕口，下次有機會都想黎試埋佢！