影片
更多
2023-10-02
3032 瀏覽
今日大夥兒約埋去任飲任食BBQ，原本打算支持留港消費，自製一晚西貢BBQ「夜繽紛」。點知燒到一肚火，提早執嘢走人。1.入場欠缺電子支付平台: 畀入場費衹收現金，不接受任何電子支付，一行十幾廿人入場，唔係個個帶夠現金，連八達通/VISA都唔收，大家係入場處湊現金湊來湊去，又要顧住d小朋友，場面狼狽，仲要畀人串......失望。2.軟件服務: 入場處職員比較有霸氣，唔知道嘅以為自己無端端得罪咗某個社團幫會，有殺冇賠， 喂，各位大佬大姐，「過門都係客，我有畀足入場費㗎喎，可唔可以有少少招呼呢？」3.食物: 有雞翼牛扒豬扒雞扒雞腎金沙骨叉燒香腸芝士腸魷魚及丸類，迷你茄菠蘿粟米蕃薯青椒翠玉瓜等，各種質素算可以，但款式不算多，冇金菇及菇類。4.飲品: 有汽水及果汁自助機任斟任飲，另有啤酒汽水烏龍茶等等飲品畀錢另外購買。5. 最不滿的地方: 不人性化服務。以為任飲任食到10pm， 原來一到9pm，場內食物及飲品部會立即「落閘放狗」，任何客人不得再內進取任何食物及飲料，(心想: 又話任飲任食嘅？原來係有時間限制， 咁入場收錢時，又唔見你d職員講清講楚？) 9pm 後，就算我想另外畀錢購買飲品，一律不容
點知燒到一肚火，提早執嘢走人。
1.入場欠缺電子支付平台: 畀入場費衹收現金，不接受任何電子支付，一行十幾廿人入場，唔係個個帶夠現金，連八達通/VISA都唔收，大家係入場處湊現金湊來湊去，又要顧住d小朋友，場面狼狽，仲要畀人串......失望。
2.軟件服務: 入場處職員比較有霸氣，唔知道嘅以為自己無端端得罪咗某個社團幫會，有殺冇賠， 喂，各位大佬大姐，「過門都係客，我有畀足入場費㗎喎，可唔可以有少少招呼呢？」
3.食物: 有雞翼牛扒豬扒雞扒雞腎金沙骨叉燒香腸芝士腸魷魚及丸類，迷你茄菠蘿粟米蕃薯青椒翠玉瓜等，各種質素算可以，但款式不算多，冇金菇及菇類。
4.飲品: 有汽水及果汁自助機任斟任飲，另有啤酒汽水烏龍茶等等飲品畀錢另外購買。
5. 最不滿的地方: 不人性化服務。以為任飲任食到10pm， 原來一到9pm，場內食物及飲品部會立即「落閘放狗」，任何客人不得再內進取任何食物及飲料，(心想: 又話任飲任食嘅？原來係有時間限制， 咁入場收錢時，又唔見你d職員講清講楚？) 9pm 後，就算我想另外畀錢購買飲品，一律不容許。大佬呀，我BBQ食到好口渴，想買一支水，跪求d職員做下好心，施捨下賣一支水畀我，解下口渴，當場被一口拒絕，無得傾，殺無赦，我只好學古人「望梅止渴」，幻想有水飲。
呼籲香港的餐飲業，請畀啲心機，敬業樂業，出心出力做好啲服務水平。
今時今日，香港仲有d咁特別嘅餐飲體驗 ; 難怪好多精明嘅香港人一於北上消費，因為國內消費，電子支付吃喝玩樂，又平又靚又正仲要服務好，做到賓至如歸。 香港的餐飲業界，請尊重下自己，更請尊重下還會留港支持本地消費的所有客人。
如果有人覺得我喺一個「西客」，我並冇意見。
張貼