錦麗 (世貿中心) (已結業)

世貿食野預左唔平，但食物質素配得起價錢咁就值回票價。究竟錦麗是虛是實就要一探究竟。1.魚餅扎肉香濃雞湯金邊粉扎肉質感好，大大塊。雞湯香濃但又唔會太鹹，好易入口，配湯粉食剛剛好。魚餅原來係酸辣，始料不及，我唔多食得辣，所以打折扣。但無可否認魚餅質感結實好食，大大塊。金邊湯粉軟硬適中係唔錯。2.錦麗綜合粉綜合粉真係味道出色！有生熟牛肉、牛丸、牛筋。牛筋軟硬適中又夠入味。牛丸彈牙，牛味亦香。湯底香濃又唔會太鹹。可見除左普通牛肉仲要有牛腩！雖然切得唔算薄，但入口一咬即開，超級嫩滑。挑選嘅部份同烹調火喉都上盛。3.馬拉盞時蔬菜算嫩滑唔會點有渣。馬拉盞望落似沙茶醬，一粒粒。食落又幾好食，鹹香。比較可惜嘅係好似有靠窗海景位但坐唔到。而飲品方面則要另外叫冇得跟餐，會好貴。