影片
更多
2017-09-15
156 瀏覽
最近同朋友去西貢食海鮮，我地先喺漁販嗰邊買左啲海鮮再拎去餐廳加工，當餐廳問啲蟹想點整嗰陣，我地不約而同咁叫薑蔥炒。薑蔥炒食落有鑊氣，但可能餐廳「重手咗」，啲薑蔥味遮晒個蟹味，浪費咗隻蟹。我朋友就話不如下次去食蟹火鍋，佢之前喺銅鑼灣Master Kama食過，餐廳主打龍蝦相關菜式，但特別在有一個日式蟹火鍋set，湯底係昆布清湯，完全可以食出鮮味。餐廳裝修幾有格調。首先登場嘅係六小缽，擺咗喺一個分為六格嘅小木盒入面，和風式簡約。六小缽分別有：海鹽枝豆、虎蝦配芒果慕絲、柚子醋海藻沙律、酸辣羅勒海蜆、蟹子日式凍豆腐、蟹肉玉子燒虎蝦配芒果慕絲 - 蝦味道新鮮肉質爽彈，甜甜的鮮芒果醬和蝦肉很匹配，仲有微酸的蕃茄粒增加味道層次。蟹籽日式凍豆腐 - 蟹籽舖滿晒喺冰凍嘅豆腐上面，食落好涼快，蟹籽配豆腐口感特別。柚子醋海藻沙律 - 日本人鐘意食海藻，有抗癌、抗腫瘤功效，唔怪得日本人普遍長命。海藻本身冇乜味道，但配上柚子醋就開胃，咁有益當然要食晒佢~蟹肉玉子燒 - 玉子上面係真蟹肉唔係仿蟹柳嚟，厚厚玉子陣陣蛋香加上鮮蟹肉，一流。酸辣羅勒海蜆 – 蜆足夠鮮甜，不過稍欠酸辣味芝士蟹肉釀蟹蓋 - 伴碟有三文魚子同
餐廳裝修幾有格調。
首先登場嘅係六小缽，擺咗喺一個分為六格嘅小木盒入面，和風式簡約。
六小缽分別有：海鹽枝豆、虎蝦配芒果慕絲、柚子醋海藻沙律、酸辣羅勒海蜆、蟹子日式凍豆腐、蟹肉玉子燒虎蝦配芒果慕絲 - 蝦味道新鮮肉質爽彈，甜甜的鮮芒果醬和蝦肉很匹配，仲有微酸的蕃茄粒增加味道層次。
蟹籽日式凍豆腐 - 蟹籽舖滿晒喺冰凍嘅豆腐上面，食落好涼快，蟹籽配豆腐口感特別。
柚子醋海藻沙律 - 日本人鐘意食海藻，有抗癌、抗腫瘤功效，唔怪得日本人普遍長命。海藻本身冇乜味道，但配上柚子醋就開胃，咁有益當然要食晒佢~
蟹肉玉子燒 - 玉子上面係真蟹肉唔係仿蟹柳嚟，厚厚玉子陣陣蛋香加上鮮蟹肉，一流。
酸辣羅勒海蜆 – 蜆足夠鮮甜，不過稍欠酸辣味
芝士蟹肉釀蟹蓋 - 伴碟有三文魚子同埋火箭菜，呢兩樣我都超鍾意食。
蟹蓋上面插住一塊白飯魚乾片，食落好脆口又惹味，好似零食咁上癮。
芝士同蟹肉都好多，而且已經融為一體，食落軟綿綿，啖啖芝士啖啖蟹肉，真係超級滿足。
日式火鍋係用咗紙火鍋，店員提醒啲食材放落去就得，千祈唔好搵筷子用力篤，如果唔係整穿張紙啲湯瀉晒就好"Le Hea"，而且有機會淥親。不過用紙火鍋感覺真係好傳統日式，我鍾意~
店員話食完海鮮再食蔬菜，咁個湯就可以先吸收海鮮嘅鮮甜味，啲蔬菜就更加好食。
主角海鮮火鍋出場啦，有蟹、青口、蝦，都係用木盒上，貫徹日式風格。
蟹真係幾大隻，蟹爪蟹腳又粗，而且多羔。
八隻青口都算幾多，食落鮮甜不過青口肉細粒咗啲。蝦就只有兩隻，不過size算大，肉質鮮爽。
蟹件大大件，食落啖啖濃郁蟹鮮味，好滿足，另外個湯底本身亦都好好味，喺提升鮮味方面功不可沒。食完海鮮再試吓啖湯，果然鮮味倍增，忍唔住斟左成碗飲。
食完海鮮就到蔬菜配料，除左鮮菜仲有菇、南瓜片、鳴門卷、魚餅。個鳴門卷係黃色同粉紅色，上面有心型同星型圖案，好特別，魚餅又真係成條魚嘅形狀咁。成個拼盤份量適中。
蟹之雜炊，炊飯上面有真蟹肉，成個飯濕淋淋，日式意大利飯咁樣，質感軟綿，食落啖啖每一啖都充滿純正蟹味又唔會過鹹。
甜品就係西式而非日式 - 粉藍色嘅雲呢拿雪糕上面灑左彩色朱古力碎，都幾靚，食完熱辣辣火鍋同炊飯食返個雪糕降吓溫都唔錯。
成個SET都算幾多嘢食， 除了主角海鮮拼盤之外， 我都鍾意六小缽，好多花款又好食。 另外雜炊係第一次食，幾有新鮮感。誠意推介!
張貼
