影片
更多
2019-02-10
983 瀏覽
o係觀塘工廠區都食過好幾間覺得唔錯o既餐廳，今次又一新發現。呢間餐廳設於商廈地鋪，不過o係個比較入o既位置，地方好大，有兩邊廳。o個日去，見佢其中一面欄住o左，有人book o左o黎搞function。呢間o野由一人摺位、四人座、梳化位、長檯到bar 檯都應有盡有，地方舒適，我諗閒時少人o既時候約人o黎食個tea 傾下計又得；因為佢轉播埋now，夾o岩時間拉埋d 波友落o黎啤啤佢，應該消費都唔會好高！套餐主要係日式便當，另外佢賣唔少佐酒小食同pizza，o野飲則有台式飲料同cafe 常見o既特飲。叫o左一個套餐，帆立貝拼赤味噌五花 • 珍珠飯($64)。定食有兩款配菜，相信係每天不同，因為見佢貼o左張紙，寫住今日係菠菜同粟米。主角帆立貝好有炭燒o既香氣，煙煙韌韌，雖然唔算好大粒，但都有住好幾粒。五花腩切片而上，肥瘦層次分明，以赤味噌醃製，味道甜而不辣。個飯蘸上o左味噌同埋o黎自豚肉o既肉汁，是惹味的。跟餐加$8 可加配大姆指雞翼4 枝，都值得加，個雞翼o既蒜香幾強，唔道唔錯～至於可樂餅則係另外單點o既($15)，非常香口，皮脆內腍，外面淋上可樂醬，酸酸甜甜，裡面係熱辣辣混和o左少少咖哩
呢間o野由一人摺位、四人座、梳化位、長檯到bar 檯都應有盡有，地方舒適，我諗閒時少人o既時候約人o黎食個tea 傾下計又得；因為佢轉播埋now，夾o岩時間拉埋d 波友落o黎啤啤佢，應該消費都唔會好高！
套餐主要係日式便當，另外佢賣唔少佐酒小食同pizza，o野飲則有台式飲料同cafe 常見o既特飲。叫o左一個套餐，帆立貝拼赤味噌五花 • 珍珠飯($64)。定食有兩款配菜，相信係每天不同，因為見佢貼o左張紙，寫住今日係菠菜同粟米。
主角帆立貝好有炭燒o既香氣，煙煙韌韌，雖然唔算好大粒，但都有住好幾粒。五花腩切片而上，肥瘦層次分明，以赤味噌醃製，味道甜而不辣。個飯蘸上o左味噌同埋o黎自豚肉o既肉汁，是惹味的。
帆立貝
12 瀏覽
0 讚好
0 留言
跟餐加$8 可加配大姆指雞翼4 枝，都值得加，個雞翼o既蒜香幾強，唔道唔錯～至於可樂餅則係另外單點o既($15)，非常香口，皮脆內腍，外面淋上可樂醬，酸酸甜甜，裡面係熱辣辣混和o左少少咖哩牛肉o既薯蓉，十分好食！
大姆指雞翼 (跟餐加$8)
6 瀏覽
0 讚好
0 留言
可樂餅 ($15)
7 瀏覽
0 讚好
0 留言
餐飲實在太多選擇了，飲品menu 都好幾頁，眼花撩亂，唔知揀乜好。咁叫開日式o野，就配個凍紅豆抹茶奶茶啦(跟餐加$10)。因為佢用熱水開，俾得唔係好夠冰，有d 唔夠凍。味道o黎講抹茶幼滑，紅豆都煲得幾蓉，香而不太甜。
臨走，見佢門口有寄賣一d 可能係台灣出產o既茶葉，好搞笑呀個slogan……！
張貼
